هدفنك مكانك.. سر صادم وراء محاولة اختطاف الفنانة مي حسن علي يد سائق تاكسي

روت الفنانة مي حسن، تفاصيل محاولة اختطافها على يد سائق لاحدي الشركات الخاصة، بحسب ما ورد عنها ببلاغ قدمته  للشرطة، والتي تواصلت معها لسرعة ضبط الجاني.

وقالت مي وفق تصريحات صحفية لها تناقلتها بعض المواقع الإلكترونية اليوم ،  : ” الحمد لله الحادثة عدت على خير وفتحت باب العربية والسواق فرمل مرة واحدة، وبعدين نطيت من العربية، وصوتي كان عالي والناس اتلمت ولقيت السواق بيهددني  وبيقلي  لي حطي لسانك في بقك لأدفنك مكانك “

وتفصيلًا سردت الفنانة الواقعة بالقول: “كنت راجعة الساعة ستة ونص مساء، وكان السائق مصمم يدخل من البوابة التالتة، وأنا ساكنة في الرابعة، قلت له اللوكيشن مش مظبوط في الحدايق وأول ما دخلنا الحدايق جاتني مكالمة من جوزي وهو في العراق حاليا وكلمني على الماسنجر، وفجأة السواق دخل شارع يمين وداس 80 ولاقيت العربية بتجري، أنا مش فاهمة فيه إيه فرميت التليفون وقلت له بعصبية إيه مدخلك هنا، وكان لا في دماغي خطف ولا حاجة، وقلت له هفتح العربية وأنط، قال لي خسارة انتي حلوة وكل ده وجوزي على التليفون معايا”.

وتابعت :”فتحت باب العربية وفرمل مرة واحدة، ونطيت من العربية، وصوتي كان عالي قلت له إنت بتستهبل انت بتدخل في الضلمة عايز تخطفني هوديك في داهية، الحمد لله الشارع كان فيه عماير لسه بتتبني وسور خزان وكان فيه عمال الناس لما نزلت شايفني وتدخلوا بيشدوه، والسواق قال لي حطي لسانك في بقك لأدفنك مكانك”.

وواصلت حديثها :” السواق كان  بيحاول يفهم الجميع إني مش عايزة أدفع الأجرة، والحمد لله قبل ما أرد واحد سمع كلمة إنه عايز يخطفني وكنت منهارة عياط ،هددته إني هبلغ البوليس، وكان رده أنا مش مسجل خطر، وطلبت الشرطة وطلبوا مني رقم العربية، أول مرة أكلم الشرطة كمواطنة عادية، وبعدها كلمني مأمور قسم الهرم وحكيت اللي حصل والحمد لله بشكر القضاء وكل اللي ساعدني في الأزمة”.

مي حسن كانت أولى أعمالها المشاركة في مسلسل «أزمة نسب»، الذي يعد أولى تجاربها في عالم الدراما، عام 2016، والمسلسل من بطولة الفنانة زينة وريم البارودي.- في عام 2019، شاركت مي حسن في مسلسل «البرنسيسة» الذي عرض في شهر رمضان