ندى رحمي تكشف كيف خسرت 80 كيلو من وزنها
حالة من الجدل أثارتها الفنانة ندى رحمي بعد فقدانها نحو 80 كيلو من وزنها في أعقاب خضوعها لعملية تكميم في المعدة.
وخلال لقائها مع الإعلامي شريف عامر ببرنامج “يحدث في مصر”، الذي يعرض عبر قناة “MBC مصر”، كشفت ندى رحمي تجربتها مع فقدان الوزن وتعرضها للتنمر في رسائل المتابعين لها عبر حساباتها على مواقع التواصل الاجتماعي، معربة عن سعادتها بنجاح عملية التكميم.
وقالت ندى رحمي “سعادتى في الحياة هى الأكل وفقدت ذلك بعد العملية ودخلت في حالة اكتئاب.. ولكن اكتشفت حياة أخرى وعرفت أمشى وألبس وفكرى تغير.. قبل العملية أكلت محشى.. وماما غيرت عربيتها بعد ما خسيت علشان وفرتلها في الأكل”.
وأضافت ندى رحمي أنها كانت تتعرض للتنمر خلال تقديمها برنامج “كلام ستات” ورسائل عديدة ولكنها في النهاية متسامحة مع نفسها ولم تكن تلتفت إلى الرسائل السلبية.
وقالت ندى رحمي “قررت أخس علشان نفسي علشان صحتي دي ربنا هيحاسبني عليها بعيدا عن أي حاجة، ثم كلام الناس لأن أنا كان بيجيلي مسدجات على انستجرام كلام اللي ينفع منه يتقال على التليفزيون أنتى بيطلعوكي في التليفزيون إزاي”.
وأشارت ندى رحمى، إلى أنها راضية عن وزنها الآن بعد إجراء العملية رغم وجود بعض الشخصيات التي كانت تقول لها إن وزنها السابق كان يجعلها أكثر جمالاً، لافتة إلى أنها على استعداد لتقديم أدوارا فنية تجسد من خلالها تجربة فقدان الوزن مشددة على أن الوزن الزائد كان يجعلها في حالة عصبية مستمرة، وتابعت: “أنا لو مليش رزق مكنتش خرجت من عملية تكميم المعدة حية.. أنا ليا رزق في الشغلانة دى”.
وأضافت”بعد عملية تكميم المعدة عندي محرمات مفيش سكر ومع قطع السكر بتبدأ تعتاد على الطعم الأساسي للأشياء..العملية مش صعبة لأني كنت وصلت لوزن وكان سني صغير وممكن أخس بدايت بس الأكل وصلت معاه أن هو بقا وسيلة إسعادي وحتى لو خسيت وانتكست واكتئبت شوية رجعت فشيت غلي في الأكل فخلاص كل اللي عملته راح والموضوع كان محتاج نفس طويل”.
وكشفت ندى رحمى عن كواليس العملية وقالت: “العملية دي بتتعمل منظار فانت كل اللي فى بطنك بيظهر على الشاشة وكان معايا حد صديقي ودكتور كان بيصور الشاشة، وماما واقفة برا بتحتضر خلاص، وراح واخد الموبايل وطلع لماما قالها بصي أمعاء بنتك ليه امبارح قبل العملية تاكل كرنب كنت واكلة محشي بقي..أصل أنا الدكتور قالي ندى كلى علشان أنت المضغ هيوحشك مش الأكل فروحت مطعم تركى كلت، أنا كان فيه علاقة فلسفية بيني وبين الأكل”.
