مروة صبري تهاجم إيناس الدغيدي:”داري على نفسك”
ظهرت الإعلامية مروة صبري في صدارة “التريند” على مواقع التواصل الإجتماعي، بسبب هجومها على المخرجة
إيناس الدغيدي بعد تصريحاتها عن المساكنة، وأنها عاشت هذه التجربة.
ردت الإعلامية مروة صبري على تصريحات إيناس الدغيدي حول المساكنة، في برنامجها “قعدة ستات“،
حيث قالت:”طالعة بتقولي أنا عشت المساكنة قدام الناس كلها، (إذا بليتم فاستتروا)، ربنا سترني مطلعش
أنا أفضح نفسي وأقول كده قدام الناس كلها”، بينما أكدت على أن تصريحات إيناس الدغيدي دائمًا ما تكون جريئة،
ولكن هذه التصريحات صدمت الجميع، حيث أستكملت حديثتها:”صدمة كبيرة لكل الناس بعد ما سمعت التصريحات
دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها ولكن مش للدرجة
دي في حاجات مينفعش، في حاجات ممكن أسيب مساحة لأني أكون معاكي أو ضدك، وفي وقت وكلام
وتصريحات وإجابات تودي في داهية”، كما تابعت:”حضرتك مش محتاجة تريند خالص أنا عارفة أنك مبتحبيش
تطلعي في البرامج وعارفة إنك بترفضي إذا إنتي مش التارجت بتاعك تقولي حاجة تعملي تريند زي معظم
الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم انتي
مش كده، وحتى لو كانت دي قناعاتك وإنتي شايفة إن دا تفكيرك اللي هو شاذ عن المجتمع والحياة لا يصح
إنه يتقال، مفيهوش اه أو لأ مرفوض جملةً وتفصيلًا، عيشتي المساكنة انتي حرة داري على نفسك”.
