سلمى أبو ضيف:”انا شخصية مسالمة، ومش بتاعة مشاكل ومبحبهاش”
حلت الفنانة سلمى أبو ضيف ضيفة على برنامج معكم والذي تقدمه الإعلامية منى الشاذلي على قناة أون،
والتي تحدثت به عن العديد من الأشياء الخاصة بحياتها الشخصية والفنية وحبها الشديد للحب.
حيث قال:”ربنا وفقني السنة اللي فاتت فى أدوار كويسة، وسافرت عشان اتعلم فى مدرسة تمثيل لمدة شهر ونصف،
والتى أعطتنى نوع من الثقة والدفعة، وهشوف هعمل إيه باللى استفدت بيه فى الدراسة.
وأضافت: بحس إن مع التجارب الحياتية فى حياتى ده هينعكس فى شغلى،
والحمد لله ربنا وفقنى اشتغل مع نجوم مهمة وتقيلة زى الفنانة غادة عبدالرازق ومخرجين كبار،
لافتة إلى أنه خلال العمل معهم وجهونى فى العمل، وكلهم ساعدونى وده مع الوقت فرق معايا كتير”.
كما تابعت،”انا شخصية مسالمة، ومش بتاعة مشاكل ومبحبهاش من صغرى،
ولما بدخل اللوكيشن بركز فى الشغل، واللى بشتغل معاهم كويسين وده رزق من ربنا،
مضيفة: فى ناس كدة بتحس بالآمان لما تمثل معاهم، واللى مثلت معاهم حسسونى بده”.
وأكدت سلمى أبو ضيف: اشتغلت فى مسلسل “بين السطور”، “حكاية تحت الحزام” فى نفس الوقت،
و”زينهم” ثم “أنف و3 عيون”، وبعدها “أعلى نسبة مشاهدة،
شخصية جميلة مسعود في زينهم جميلة وطبيعية اوي وهي قريبة من شخصيتي في الحقيقة.
وأضافت في حديثها عن أعمالها الفنية: تجربتي في مسلسل رسالة الإمام كانت صعبة جدا بس اتعلمت منه كتير،
كل مشاهد ضربي في مسلسل أعلى نسبة مشاهدة كانت صعبة.
