رضوى الشربيني تتصدر تريند جوجل بعد القايمة

تصدر اسم الإعلامية رضوى الشربيني مقدمة برنامج هي وبس الذي يذاع عبر شاشة CBC تريند محرك البحث جوجل.

وذلك عقب حديثها عن وضع القايمة بين الزوج والزوجة، خاصة بعد استضافة سيدة عشرينية تعرضت للقهر والظلم.

رضوى الشربيني والقايمة

وطرحت رضوى الشربيني في حلقة من حلقات برنامج هي وبس عدد من المشكلات التي تظهر قهر الزوج والسيطرة عليه.

وكانت من ضمنهم مشكلة هاجر التي واجهت الكثير من العنف والمعاناة مع زوجها من بداية زواجهم حتى انفصالهم.

وقالت هاجر لرضوي الشربيني عن قصتها، بعد ساعات من يوم الزفاف اخواته البنات طلعوا خدوه وفطر.

وتابعت: وبعد جوازي كنت في تالته أداب إعلام، طلعوني من الكلية وقالولي مش هنصرف عليكي.

والمشاكل زادت بعد مشاكل أخوات البنات، وغضبت مره واتنين وتلاتة وأرجع لوحدي، وظروف أهلي مكنتش تسمح أني اقعد.

وأضافت: قالي ياتيجي تفضلي خدامة عند أهلي، ياما تعيشي عند أهلك وطلبني في بيت الطاعة.

وواصلت: قالي أنا هتجوزي بنت جديدة بعدين، وشرطها طلاق القديمة، وابني مش عاوزه وخليه عندك.

وأردفت: قلتله عاوزه اقلك حاجه واحدة بس ابنك محتاج عملية في العضو الحساس، قالي ابني ده مش عاوزه.

وتابعت: خدوا عند أى دكتور واعملوا العميلة، اتحكملي بالقايمة في المحكمة وابنه محتاج عملية.

وأضاف: بقالي تلت سنين مترمطة في المحاكم لوحدي، القاضي ادى رفض وتأييد.

وواصلت: روحت الشقة اخد عزالي لقيتهم شتماني وواخدين حقي.

وبعد كل ده كملت في كلية إعلام، ولازم عشان مش معايا محامي احضر الجلسة واطلع على الامتحان.

اتبهدلت في المحكمة وامشي من كفر الشيخ، ويبعتلي رسايل بالتهديد.

وقالت هاجر لطفي كاشفة عن تفاصيل طلاقها: «جوزي طلقني غيابي

، وقامت والدته بالتهجم علي وسرق إخواته كل ممتلكاتي وما كان في الشقة

، دمروني ودمروا حياتي»، لتدخل السيدة ورضوى الشربيني في حالة انهيار شديدة.