طارق الشناوى يكشف السبب الحقيقى لـ إعتذار ياسمين عبد العزيز عن فيلم أولاد حريم كريم
كشف الناقد الفني طارق الشناوى، رأيه في فيلم أولاد حريم كريم بطولة الفنان مصطفى قمر، والذي يعرض حاليا في السينمات.
وقال طارق الشناوي في تصريحات لبرنامج et بالعربي إن إن “فيلم أولاد حريم كريم”
من أسوأ الأعمال الفنية على الرغم من أن مخرجه علي إدريس مخرج مهم، وزينب عزيز كاتبة مهمة.
كما أضاف: “اللي عملوه ملهوش علاقة بالجزء الأول، ولا فين السينما اللي بنعيشه دلوقتي وتراجع لزمن ما قبل الجزء الأول”.
بينما تابع: “مصطفى قمر عايش على الزمن القديم، ومصطفى قمر في عز فشله كمطرب
قرر أنه يعمل الفيلم واللى اشتغل معاه الجزء الثاني الحريم اللى مش مطلوبين أوي في السينما”.
طارق الشناوى: السبب الحقيقى لـ إعتذار ياسمين عبد العزيز عن فيلم أولاد حريم كريم
وعن السبب الحقيقي لاعتذار ياسمين عبد العزيز عن عدم المشاركة في الفيلم، قال طارق الشناوي:
“ياسمين عبد العزيز الوحيدة اللي لها وهج واسم ورفضت تكون موجودة مع مصطفى قمر في “أولاد حريم كريم”،
قالت لأ لإنها مش هتبقى موجود كنصف بطلة أو خُمس بطلة… كتابة “أولاد حريم كريم”
قديمة أوي والتفاصيل معدتش تجيب ولا تضحك، ومصطفى قمر افتقد الوهج وفق نجاحه وبيمثل الدور من غير حالة من الوهج والشغف، بيؤدي فقط حافظ مش حابب”.
رد مصطفى قمر على طارق الشناوى
وهاجم مصطفى قمر الناقد عبر انستجرام قائلًا: “هو أنا مش طلبت منك تبعد عني أصلًا
وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل
يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي
اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه….؟…. هي من اريع حروف بيتهيألي”.
