نيللي كريم: شخصيتي بمسلسل ليه لأ موجودة في كل بيت

تحدثت الفنانة نيللي كريم عن شخصيتها في الجزء الثالث من مسلسل “ليه لأ”.

وقالت نيللي كريم: “بلعب شخصية شيري وهى سيدة حقيقية موجودة في كل بيت،

وتقوم بالتضحية من أجل ابنها الأكبر وتقع في أزمات عديدة من أجله إلا أنه يرى أنه راجل البيت

ومن حقه التصرف بشكل فردي كونه أبنها الأكبر، ويحدث بينهما العديد من المواقف والأزمات”.

كما أضافت: “أزمة المسلسل أن الأم بتضحي بحاجات كتير جدًا علشان سعادة أولادها،

وابنها بالتحديد لأن هنشوف تعامل الولد في الظروف اللي زي دي، خاصة أنه فاكر نفسه راجل البيت لأنه الولد،

والأم بتحاول ترضيه بكل الأشكال ولكن هتيجي في نقطة بتقف وقفة مش عايزة حد ييجي عليها

ولا هي تيجي على أولادها، وهنا نقطة التحول بتاعة المسلسل”.

 

تصريحات نيللي كريم عن مسلسل لسه لأ

كما تابعت نيللي كريم: “راجل البيت دي كلمة كبيرة أوي وأحيانًا الناس بتستخدمها من غير ما تفكر،

ودلوقتي في الزمن اللي إحنا فيه أو على الأقل العائلات اللي بشوفها حواليا الستات

هي اللي بتبقى راجل البيت، الستات دلوقتي هي اللي بتشيل البيت والأولاد

خاصة لما بيحصل حالة طلاق 99% من الأبهات مبيدفعوش الفلوس اللي عليهم

وبيكونوا شايلين إيديهم حتى لو بيدفعوا بيدفعوا رقم ضئيل، فالست هي راجل البيت حاليًا”.

كما ينطلق عرض أولى حلقات مسلسل “ليه لا 3” يوم 22 من يونيو الجاري.

بينما تلعب نيللي كريم خلال أحداث العمل شخصية سيدة تدعى شيري، مطلقة

ولديها ابن لا يتقبل زواجها من شخص آخر ما يتسبب لها في أزمة حياتية، في إطار درامي مشوق.

 

 

بينما يناقش في الجزء الثالث من مسلسل «ليه لا» بطولة نيللى كريم عدة قضايا تخص المرأة

كما يتناول المشكلات التي تواجهها المطلقات في المجتمع المصري والعربي وما تعاني منه

في تلك المرحلة وما بعدها فيما يخص رغبتهن في الزواج ورفض الأبناء لذلك.

يضم مسلسل “ليه لا” باقة متميزة من النجوم منهم: نيللي كريم، عايدة رياض،

وصلاح عبد الله، ومعتز هشام، وأحمد طارق، وإخراج نادين خان، تأليف سرد،

إشراف على الكتابة مريم نعوم، فكرة سارة الطوبجي، سيناريو وحوار سارة الطوبجي، سلمى عبد الوهاب، بولا ثابت، إيمان صالح.