هتجري ورايا.. محمد رمضان يطرح أغنيتين جديدتين من فيلم هارلي

طرح الفنان المصري محمد رمضان، أغنية جديدة من فيلمه هارلي الذي يعرض حاليًا بدور العرض السينمائية،

تحمل اسم  هتجري ورايا كأحدث أغانيه في السوق.

قصة فيلم هارلي

كما تدور قصة فيلم هارلي عن عالم الإدمان والمخدرات، من خلال هارلي الذي يتورط مع إحدى العصابات

بينما يدخل ضدهم في معارك شرسة مستندًا إلى ذكاءه، ولكن تحدث مفاجآت صادمة في حياته تقلب الأمور رأسًا على عقب.

تصريحات محمد رمضان

بينما على الصعيد الآخر، فجر محمد رمضان عدة تصريحات قائلًا: الرحلة أنا مبسوط بيها جدًا بدأت من ضواحي الجيزة

والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

كما تابع: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي،

وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

محمد رمضان وعلاقته بوالده

كما أضاف: وأبويا رجل مثقف كان يقرأ الجرائد بشكل يومي، فكل ده شكل جزء كبير في شخصيتي،

وحي القصبجي اللي اتولدت فيه كان 8 بيوت في المربع السكني وحوالينا زراعة،

بينما كانت منطقة ريفية بنسبة 70% وشعبية 30%.

كما استطرد محمد رمضان: كنت بشوف الأهرامات من البيت، قدامي هرم وعظمة وشيء غريب،

ومرة قررت وأنا في تانية إعدادي ألمس الهرم أنا شايفه صغير

وفي مخيلة طفل أن لو مشيت في نفس الطريق اللي قدامي هوصل للهرم.

كما أردف: صحيت تاني يوم كأني رايح المدرسة ومعرفتش أوصل للهرم، والمشوار ده عمري

ما هنساه والكلاب تجري ورايا وأقع في الطينة، وأمي راحت تسأل عليا في المدرسة مش لاقياني والمغرب

أذن، رجعت البيت اتضربت علقة جامدة جدًا من أمي.

واختتم محمد رمضان حديثه قائلًا: وفضل المشوار ده في ذهني وبقى عقدة،

أن الطموح دايمًا مربوط بالمشوار ده أنك ممكن تبقى شايف النجاح ومتعرفش تلمسه.