النحاس يطالب بتعديل إدارى .. الأهلي محتاج تدعيم مش ترقيع

انتقد عماد النحاس مدافع الأهلي ومنتخب مصر السابق والمدير الفني الحالي لفريق طلائع الجيش المستوى السيئ

الذي ظهر عليه الأهلي خلال مباراة صن داونز الجنوب أفريقي.

كما خسر الأهلي من فريق صن داونز بنتيجة 5-2، ضمن منافسات الجولة الرابعة من مباريات بطولة دوري أبطال أفريقيا

للموسم الجاري لتتضاءل آماله في التأهل لدور الثمانية من بطولة دوري أبطال أفريقيا.

وقال عماد النحاس خلال الساعات الماضية: «الأهلي سيستفيد من الخروج أكتر ما كان سيستفيد من التأهل،

فحتي لو صعد الأهلي مستحيل ياخد البطولة ودا باين من الأداء من بعد ماتش فلامنجو البرازيلي في كأس العالم للأندية».

وأضاف عماد النحاس: «الفريق محتاج راحة وتدعيم مش ترقيع بلاعيبة راجعة من إصابات، بالإضافة لتعديل إداري».

وتابع أحمد شوبير: «التحكيم كان مميزًا جدا والأهلي لم يستحق أي ركلة جزاء كما يتصور البعض، والملعب كان ممتازًا،

ومن أحسن ملاعب أفريقيا والأهلي على طول بيلعب وسط حضور جماهيري كبير للمنافسين ولا يهمه

يعملوا حفلة قبل الماتش أو يعملوا اللي هم عايزينه المهم الأهلي يلعب».

واستنكر شوبير شكل الأهلي خلال المباراة وقال: «الاستحواذ وصل لـ 80 % لفريق صن داونز و20 % للأهلي،

ودي محصلتش، لدرجة إن الأهلي ماكانش عارف يبني هجمة في الوقت اللي المنافس

بيلعب عمياني حافظين بعض، وللعلم صن داونز ده أقوى فرقة في أفريقيا بلا منافس».

«مفيش لاعب واحد ظهر في الأهلي قدام صن داونز بشكل جيد، يمكن شوية بيرسي تاو ومحمد شريف وأفشة

لما نزل كان بيجري شوية لكن تقولي أصل لعبنا الساعة 3 العصر وده وقت صعب،

كل دي حجج واهية، البطل بيلعب في أي وقت، ولعبنا كذا مرة في الوقت ده من غير أي مشكلة».