الفنانة دينا : أنا بعشق الرقص وهو أكبر حب في حياتي لكن لايفوق حبي لابني” علي “
روت الفنانة دينا مواقف محرجة تعرضت لها أثناء قيامها بالرقص وسقوطها قائلة : ” بعض الوقعات بتبقى تلقائية
وصدفة لكن بعض منها بيبقى مقصود فذات مرة زمان واحدة كعبلتني عن قصد ورجعلتها قلتلها ليه ؟ هتستفيدي إيه ؟ قالت بهزر ”
الاعلامية لميس الحديدي
وروت مواقف أخرى خلال لقاء ” عبر ” برنامج ” كلمة أخيرة ” الذي تقدمه الاعلامية لميس الحديدي على شاشة ON:
مرة إتكعبلت في سلك فيديو وطرت وأنا بطبعي بقع وبقوم حتى لو موجوعة من شدة إحراجي لاني بتكسف اوي
من السقوط لازم أققوم واكمل الفقرة ”
الالام وتورمات
واصلت : المهم لما اققع وأنا برقص اقوم عشان لازم اققف وأكمل وبعد إنتهاء الفقرة كنت ببدأ أكتشف الالام وتورمات
بكدمات والالام واصعب الاصابات كنت عندما إنزلقت وأصبت بتمزق أربطة القدم وكنت بحط مسكن ” إسبريه”
وبكمل لان فيه ناس بتبقى منتظراني في ليلة العمر هتعب ساعه بس ماضيعش فرحة يوم العمر لاي بني أدم ”
أكبر حب
أكملت : ” أنا بعشق الرقص وهو أكبر حب في حياتي لكن لايفوق حبي لابني علي ”
واصلت : رغم كل المسيرة دي بس لسه بخاف من مواجهة الجمهور وبعمله حساب وببقى قلقانه لسه وانا بطلع المسرح
قبل ماشتري اي فستان وعاوزة أعرف راي الناس والرقص هو حياتي وبستمتع طول الوقت بالرقص وعشان كده بدرب
رقص دلوقتي عشان أفضل أرقص لما تغيب الاضواء ”
الرقص
مشددة أن الرقص جزء من تكوين شخصيتها قائلة : ” حياتي كلها متعلقة بالرقص وبقى من عاداتي اليومية وجزء منه
مثلاً مش باكل قبل الرقص بست او ثمانية ساعات حفاظاً على صحة المعدة والبطن ممكن أخد شوكلاته أو معلقة عسل
تدي طاقة لكن ماتقلش البطن ”
نظامها الغذائي
وعن نظامها الغذائي وسر رشاقتها ولياقتها قالت : ” بقالي ثلاث أو أربع أيام بجرب نظام جديد وهي أني أوقف كل العيش
والالبان والفراخ والبيض وأكل بس سمك ولحمة وعيش الردة ومربة وشوكلاته وأيس كريم بس
مش باكل التورت ولا الجاتوه وباكل الجبن المطبوخة لكن الرومي منعناها ”
كاشفة أنها حريصة على متابعة وزنها لدرجة أنها تصعد على الميزان يومياً مرتين قائلة : ” بطلع على الميزان مرتين
في اليوم مرة قبل النوم ومرة عند الاستيقاظ أشوف وزني وصل كام ووزني 60 كجم لايتغير وطولي 167 سم وبخلي بالي جداً ”
الحفاظ على الوزن
لافتة إلى أن عادتها الغذائية والحفاظ على الوزن هي عادة موروثة لها من والدتها الت تحرص على ذلك طول الوقت
وعن قدوتها بين الراقصات قالت : فريدة فهمي أول واحدة عيني جت عليها لاني كنت برقص فنون شعبية وهي كانت بالنسبة لي
وقتها أيقونة أما دخلت في الرقص أكتر كان قدوتي سامية جمال بلا منازع وبحب الباقي كل واحد حاجة بالاخص
إيد تحية كاريوكا كانت بتاخدني لانها دقيقة في تحريك يديها وبشكل طبيعي وتلقائي ”
مشيرة إلى أن تحية كاريوكا أكثر جمالا وأنوثة من سامية جمال لكن الاخيرة هي الراقصة الاولى في تحريك الخط الخاص بالرقص
