مفيدة: الرجل يعشق الصيد وقانون الستات “البعيد عن العين بعيد عن القلب”
تسألت الإعلامية مفيدة شيحة، هل البعيد عن العين بعيد عن القلب، والبعد جفا، أم أبعد حبة تزيد محبة؟، مضيفة أن هناك أمثال شعبية نرددها تقريبا كل يوم في كلامنا مع اللي حوالينا لكننا أمثال عكس بعض ومنعرفش ايه الصح منها وايه الغلط.
وأضافت مفيدة شيحة، في برنامجها الستات، المذاع عبر قناة النهار، مساء اليوم الأربعاء، أن :”انا مثلا شايفة ان اتقل حبة تزيد محبة او أبعد حبة تزيد محبة، لان الإنسان كل ما يبعد بشكل عام بيشوف الحاجة أحلى وأجمل وبيبقى منظر الحاجة اللي قدامك على مساحة واسعة حتى بيكون مريح للعين.
َتابعت مفيدة شيحة، أن معظم الناس اللي خسروا بعض كان السبب القرب الزيادة وانك عارف كل كبيره وصغيره وبعد مرور الوقت وبدل ما تبقي الشخص اللي بيرتاح في قربه بتكون بيبدأ يتهرب منك لأنك بقيت مصدر قلق وخوف للطرف التاني.
وأكملت مفيدة شيحة، أن كل ما هيكون في مسافه في العلاقات كل ما هتدوم اكتر وتستمر، وكل ما هتبعد حبه هتزيد محبه، ومش بالضرورة يكون البعد سبب في نهاية العلاقة، وبالعكس انا شايفة ان البعد هو سبب من اسباب التجديد في العلاقة وضروري جدا في نجاحها.. لان بصى القرب الدائم ده اللي اشبه بالالتصاق بالطرف التاني ده على طول هيقلب ملل وروتين.
وانهت مفيدة شيحة، أن لازم يكون في فضول شويتين اننا نبقى عايزين نعرف اللي بيحصل في حياة كل واحد فينا، وده في ناس لما بتحب حد بتبقى عايزة تخش فى أصغر تفاصيل حياته بشكل مرعب.
