أحتقر الترند ومن يفكرون به.. ابرز تصريحات الفنانة انتصار ببرنامج العرافة

كتبت: دينا لاشين

حلت الفنانه انتصار ضيفة مع الاعلامية بسمة وهبة، بالبرنامج الرمضانى العرافة، مساء اليوم الأربعاء، وادلت بمجموعة من التصريحات.

حيث أشارت إلي إنها تقول الكثير من الأشياء الإيجابية، لكن الناس لا يركزون إلا على السلبي فقط، معقبة: «محدش بيسمع إلا الهفوات».

وأضافت، على من يقومون ذلك: «عاوزين ياكلوا عيش، هياكلوا عيش منين؟»، متابعة: «أحتقر الترند ومن يفكرون به، إيه ترند ده!».

ووصفت «الترند» بأنه «أكل عيش»، فمن يريد ذلك يدفع مقابل مادي ليصبح حديث مواقع التواصل الاجتماعي، مضيفة: «أكل عيش من لا شغل له».

واستنكرت من يرددون يوميًا بأنهم حديث مواقع التواصل الاجتماعي، قائلة: «يعني إيه ترند النهاردة مش فهماها، أنا أعرف أنك بتشتغل بقالك عشر سنين وعامل أرضية قوية وراجل بتفهم وخبير.. وعلى فكرة أي حد هيعمل أي حاجة غريبة هيبقى ترند».

وعن التصريحات التي نقلت على لسانها سابقًا بأنها ليست لديها مشكلة في أن تقبل ابنتها في السينما عندما تكبر، عقبت: «أنا قلت بالظبط: هي عاوزة تمثل تمثل، ولما تيجي تمثل هتبقى كبيرة وناضجة بما يكفي لأنها تفكر في إنها تقبل أم لا في دور، لأني وقتها مش هبقى معاها في اللوكيشن».

وشنت الفنانة انتصار هجوما على الفنانة شيماء سيف بعد اتهامها بالمؤامرة عليها للإطاحة بها من برنامج “نفسنة” في تصريحاتها مؤخرا.

وخلال لقائها قالت انتصار إن شيماء سيف تحاول الزج باسمها في أي برنامج من أجل الشهرة وأنها كانت تفضل عدم الرد عليها.

وأضافت انتصار “هو أنا مرات أبوها؟ أنا كنت بتكلم على حاجة في الشغل لأننا كنا بنقدم البرنامج 3 مع بعض، أنا وهي وهيدي كرم مشاكلها كتير وعشان كده طلعنا نتكلم بتقطع في الكلام وفيها إيه لما نتكلم على بعض طالما في الشغل ومش بجيب سيرة والدها أو والدتها.

وعبرت انتصار عن استيائها من حديث شيماء سيف عنها في البرامج وقالت ” كنت بتكلم عن الشغل ومشاكله العادية إيه يخلي مشاكل الشغل تطلع في البرامج لكن شيماء طول الوقت تجيب في سيرتي رغم إن البرنامج مش بيتعرض من 5 لو جريمة بتسقط”.

وتابعت “مكناش مهتمين نوطي صوتنا مش قصدين نسمعها لكن مش مهتمين أنها متسمعش بنتكلم في الشغل مش في شخصها، وده ميزعلش حد هي كان لها أخطاء في الشغل”.

وقالت إنها من الممكن ان تقرر الاعتزال عن التمثيل، في وقت ما، وربما تعود لتقديم موسم جديدة من “نفسنة”، معقبة: “”وممكن اعمل خمسة كمان”.وأضافت خلال حوارها مع الإعلامية بسمة وهبة مقدمة برنامج “العرافة”، على قناة “المحور”، أنها على استعداد للتمثيل مع الفنان محمد رمضان.

ونفت  أن يكون إبعادها من برنامج “نفسنة” الذي كانت تقدمه مع الفنانتين هيدي كرم وشيماء سيف، بسبب ذلة لسان، وتحديدا قولها “أنا النجمة هنا”، مؤكدةً: “التعالي مش من صفاتي، أنا بقالي كتير بشتغل، أنا طيبة جدا”.

وأضافت ولما أقول أنا النجمة هنا ده حقي، أنا قلت أنا النجمة، الناس بتستغرب ليه لما أقول أصل أنا الجامدة أوي، أصل أنا الحلوة أوي وأهم كوميديانة في مصر، الناس مستكترة عليّ ليه اللي أنا فيه”.

وتابعت: “هو أنا أفضل أشتغل 20 سنة ولما آجي أقول أنا مشهورة يتقال إني متعالية؟! انا مشهورة، اللي مش عاجبه إني مشهورة يضرب راسه في الحائط”.

وأردفت: “ممشتش من البرنامج بدليل إني كملت بعد كده، لكن أنا مشيت لأن عندي مسلسلات كتير وبما إني أنا النجمة فأنا أكتر واحدة بشتغل في السوق، مسلسلات وأفلام ومسرحيات، الضغط عالي جدا، ومفيش تعاون من القناة في تنظيم أيام التسجيل”.

وأوضحت: “بسجل 3 أيام كل 15 يوم، ولما يكون عندي مسرحية في إسكندرية ومسلسل، يبقى نتعاون مع بعض شوية، سجلوا مع حد غيري أنا قابلة تجيبوا حد تاني لحد ما أشوف شغلي في الإسكندرية، رفضوا كل حلولي، وشعرت بالتعنت، ومع شوية هيصة، وعند أول تلكيكة خلعت”.