حسني عبد ربه يوجه إنتقادات لاداء المنتخب المصري
علق كابتن حسني عبد ربه نجم المنتخب المصري السابق على أداء مباراة اليوم للمنتخب الوطني أمام نظيره السنغالي والتي أدت لخروجه من التصفيات المؤهلة لكاس العالم قائلاً : كنا نفسنا نفرح كلنا كنت بتفرج على المباراة وضربات الجزاء ودماغي في الشعب المصري اللاعب كده كده بيخسر وبيكسب وكان نفسنا نفرح الشعب المنتظر “.
تابع في لقاء ” خلال برنامج ” كلمة أخيرة ” الذي تقدمه الاعلامية لميس الحديدي على شاشة ON: كان عندنا أمل كبير اليوم نعوض لكن للاسف حدثت أمور كثيرة سلبية في مباراة اليوم ورأيي الكروي بعيد عن كوني مصري من إستحق اليوم للتأهل لكاس العالم هو منتخب ” السنغال ” الصراحة لعبوا كورة ولديها لاعبين أفضل من نظرائهم المصريين في الملعب فنياً وعملوا كل حاجة في الملعب والمدرب بتاعهم عمل تغييرات بتفرق في الملعب وبيلعبوا كويس ومش خايفين “.
أكمل : ” لعبوا من غير خوف وإحنا كنا قلانينين بزيادة ومامسكناش الكورة غير 20 دقيقة في الملعب بس وأنا بسأل ليه الخوف المبالغ والحذر الدفاعي الكبير الي حصل ده .. إحنا مش رايحين حفلة دي مباراة كرة قدم “.
إستطرد : مبررات الاحداث وتأخر الباص وعنف المشجعين ليست واقعية ودي طبيعة الكرة في إفريقيا وقابلنا اسوأ من ذلك وهتفضل كده إفريقيا كده طول العمر ومسؤولية تانية لكن اللوم على اللاعب المصري أبقى عامل حسابي وطبيعي جماهير السنغال ممكن تهاجم صلاح زي مانيه لما جه مصر ممكن يتعرض لنفس الشيء مع فارق التصرفات لان المصريين عندهم اسلوب متحضر شوية “.
لافتاً إلى أن وضع اللاعبين تحت ضغط من قبل جماهير الدول المستضيفة او تأخر الباص كلها عوامل وواخدين عليها في إفريقيا بل وأسوا.
واصل : لازم اللاعب المصري كان يجهز نفسه لده وهو رايح ويضعه في الاعتبار ولو ماعملش كده اللاعب يبقى لايستحق الصعود ولا المشاركة “.
إستطرد : السنغال لاعبونا في مصر كأنهم في السنغال والمصريين ملعبوش كورة في القاهرة وكان المنتخب السنغالي مستحوذ طول الوقت رغم وجود الجماهير المصرية ودعمهم ودور الاعلام الداعم لكن الفارق بيننا وبيهم أنهم بيلعبوا كورة حقيقية “.
