نيفين مندور تتصدر الترند بعد حقيقة زواجها من محمد سعد
كتبت: دينا لاشين
أعلنت الفنانة نيفين مندور عن حقيقة زواجها من الفنان محمد سعد، حيث أكدت أنها شائعات، قائلة: «الإشاعة دي سمعتها من ناس كتير بتشوفني في الشارع وتسألني إنتي بجد مرات محمد سعد؟ الإشاعة دي مقرتهاش بس، لكن اتقالت في وشي من الناس».
وأضافت نيفين مندور،خلال لقاء ببرنامج «كلام الناس»، المذاع على شاشة قناة «mbc مصر» وتقدمه الإعلامية ياسمين عز، اليوم الجمعة، أن النجوم في الوسط الفني معرضون للإشاعات المستمرة متابعة: «تقبلت الإشاعات دي وقولت شر لابد منه».
كما كشفت عن زواجها من فتى أحلامها بعد قصة حب استمرت 23 عامًا، قائلة: «اعترفلي بحبه من 23 سنة، وقالي ساعتها مقدرش عليكي نبقى أصحاب بس، لأنه كان متجوز ومخلف، وفي مرة قولتله ما تيجي نتجوز، مفكرش واتجوزنا، وبعدها بشهرين طلق مراته الأولى، وبقيت أنا الوحيدة اللي في حياته».
وتابعت : «جوزي مسميني (أبوعلي) وبحاول أقلد مامي في كل حاجة عشان كانت بـ100 راجل، وحبيت الشخصية دي، ولما مامته توفت ووقوفي جنبه في الوقت دة خلاه يسميني (أبوعلي) وشافني جدعة وكنت أنا الوحيدة اللي مسموح لي أكلمه في أي وقت قبل ما أتجوزه».
ولفتت أن أمنية حياتها قبل زواجها بتبني طفل، معقبة: «كنت في الأول رافضة مبدأ الزواج، وبابا لو فضلت العمر كله قدامه مش هيعترض، وكنت مقتنعة بالموضوع دة لحد ما قالي الجواز شر لابد منه وسنة الحياة»
«كنت بفكر اتجوز عشان أخلف وآخد ابني وأسافر أو أطلق، بس استحرمت أحرم ابن من أبوه».
