إعلامية : جوزك مش سندك هو دا سندك الحقيقي

أكدت الإعلامية أميرة عبيد، أن “سند” كلمة كبيرة جدًا ولا يعرف معناها غير الأسوياء، معقبة :” الما لست تقول زوجي أو أبويا سندي لازم تفكر كويس قبل ما تقولها”.

وأضافت أميرة عبيد خلال تقديم برنامج “هي وهما” على قناة الحدث اليوم، قائلة: “في ست رزقها في أبوها وفي ست تانية رزقها في جوزها وفي ست غيرهم فقدت الاتنين، معندهاش سند في الدنيا بعد ربنا غير شغلها”.

وتابعت: “في ست عندها  كذا سند الأب والزوج والأخ وحاجات كتير، ولكن معندهاش الشغل اللي يسندها لو فقدت اللي عندها هتعمل إيه ، معقبة:” من وجهة نظري المتواضعة سند المرأة الحقيقي هو شغلها ومستقبلها ووضعها في المجتمع”.

وأكملت، “أنا ضد الست اللي بتتجوز عشان جوزها يسندها، وضد البنات اللي بتخلص تعليم ولسه بتاخد مصروف من أبوها، وضد كمان الست اللي بتدور على السند في البشر حتى ولو كان أبوها أو جوزها”.