وصلة رقص تتسبب في مواجهة قاسية بين مفيد فوزي و تامر أمين

استنكر الإعلامي مفيد فوزي، تصريحات  الإعلامي تامر أمين، على مقطع الفيديو الذي انتشر للفنان محمد رمضان وهو يرقص مع المضيفات في طائرته الخاصة.

وقال “فوزي” في تصريحات تليفزيونية على فضائية “النهار”، موجها حديثه لإعلامي تامر أمين ، قائلًا : “بوجه لك عتاب أنت اتكلمت على محمد رمضان 9 دقائق و11 ثانية، أنا انشغل به ليه! هو نفسه ننشغل به ليه؟!”.

مفيد فوزي يحرج تامر أمين بسؤال جريء

ومن جهته رد تامر أمين: “حضرتك عندك حق بس أنا بتكلم علشان نقوله أنت بتخلف وراك ضحايا وخسائر وناس ملهاش ذنب، ليعود مفيد قائلًا “كده بقوا 11 دقيقة”.

وكان قد هاجم  الإعلامي تامر أمين، على مقطع الفيديو الذي نشره الفنان محمد رمضان وهو يقوم بالرقص مع طاقم الضيافة على طائرته الخاصة على احد أغانيه.

وقال “أمين” خلال تقديم برنامجه “آخر النهار” المذاع على فضائية “النهار”، : “محمد رمضان من الفنانين اللي طول الوقت يعملوا جدل”.

تامر أمين يفتح النار على محمد رمضان

وأضاف: “أرجوكم كفاية سفر على محمد رمضان، كل ما يسافر كل ما يعمل مشكلة، محمد رمضان هيقعد طيارينا ومضيفاتنا في البيت”.

وتابع: “اللي يغيظك أن رمضان هو اللي بيصور وهو اللي بينزل الفيديوهات، ولكن المنظر وحش حتى لو كانت طائرة خاصة لأنه أنا محبش أشوف مضيفة بالشكل ده”.

تامر أمين للمضيفات: وظيفتكم مش الرقص

واستطرد: “المضيفة هي الوجهة الخاصة بالطائرة وأدوارها محددة على متن الطائرة حتى لو كانت طائرة خاصة، المضيفة مش متأجرة لمزاج الراكب وهو مشهد غير لائق”.

واستكمل حديثه: “أنا ألوم المضيفات واللي المفروض عرفين واجبات وظيفتهم وليست من ضمنها قبول الرقص والتصوير، ولكن محمد رمضان يتعامل بمنطلق أنا ومن بعدي الطوفان، يشوف فين الجدل وفين الدوشة ويجري عليهم ولا يهمني مين اللي هيداس، لازم يغير تفكيره في مسألة أذية الغير”.