ماري لويس بشارة : أول عرض أزياء عملته كان في 1989 وبدأنا بمجموعة رجالي وحريمي متكاملة

كشفت ماري لويس بشارة رئيس مجلس إدارة شركة البشارة للأزياء والمنسوجات، عن كيفية انطلاق أول عرض أزياء لها وتحديها للأذواق التقليدية في صناعة الملابس. قالت ماري لويس: “أيوة، وبعدين عملنا أول عرض أزياء وده كان في 1989، وفي 1990 بابا عمل مفاجأة واشترى لنا المحل اللي في المهندسين، وقعدت مع ماما اشتغلنا على Collection الرجالي والحريمي، وأنا كنت مركزة على الحريمي بس بدأنا بنفس الـمضمون اللي هو الكوليكشن كاملة وكل الأزياء ماشية مع بعض”.

ماري لويس بشارة

وأضافت في لقاء مع الإعلامية لميس الحديدي مقدمة برنامج “رحلة المليار”، عبر قناة “النهار”، أنّ عملية اختيار الألوان والخامات كانت جزءًا من تجربة التعلم والابتكار: “بدأت أنسج القماش براحتي على الأنوال في المصنع… وكان يمشي في الأنوال في المصنع ويقول إيه اللون الفظيع اللي إنتِ مختاراه ده؟، وماما تدافع عني تقول له استنى شوف المبيعات، ويفاجأ إن اللون اللي مش عاجبه ده هو اللي أعلى مبيعاً”.

وتابعت: “هو كان بيكره ألوان المسطردة والموف ويقول إيه ده؟، كان عايز الألوان التقليدية أبيض، رمادي، أسود، كحلي، نبيتي… بس في الآخر بدأ يقتنع بالاختيارات الجديدة”.

وأكدت ماري لويس أن هذه التجربة كانت نقطة تحول في مسيرتها المهنية، لأنها علمتها كيف تجمع بين الإبداع الفني وفهم السوق: “ده علمني إزاي أوازن بين إبداعي وبين توقعات السوق، وإزاي أعمل حاجة حقيقية تلاقي قبول عند الناس وتثبت وجودها في السوق”.

وأردفت ماري لويس بشارة رئيس مجلس إدارة شركة البشارة للأزياء والمنسوجات، أن دعم والدتها كان أساسياً في مواجهة تحديات والدها والحفاظ على فلسفة التصميم الخاصة بها.