شريف مدكور يكشف أسرار خطوته القادمة.. اعرف التفاصيل

أعرب الإعلامي شريف مدكور عن رغبته في خوض تجربة تقديم برنامج ديني،

مؤكدًا أن ذلك كان حلمًا يراوده منذ سنوات، قائلاً: “أنا بقالي 4 أو 5 سنين بذاكر الدين بنفسي،

وقريت كتير وسألت، وفي النهاية قررت أكون شيخ نفسي”.

وأكد مدكور أن فكرة البرنامج لن تكون لأغراض مادية، مشددًا: “لو عملت برنامج ديني،

مش هاخد عليه فلوس، وسبق وشاركت في تفسير القرآن الكريم مع علماء من الأزهر بدون مقابل،

رغم أن عقدي وقتها كان لـ5 أيام فقط، وكنت بشتغل 7 أيام”.

تحدث مدكور عن تجربته مع فهم الدين، مشيرًا إلى الحيرة التي عاشها بسبب التباين بين آراء الشيوخ

واختلاف المذاهب، موضحًا: “كنت محتار أمشي ورا مين؟ كل شيخ بيقول حاجة، وكل مذهب ليه تفسير.

فقررت أسمع الكل وأقرأ بنفسي، وقلبي هو اللي بيوجهني، وعقلي بيفكر، وربنا قال اقرأ فقرأت”.

أثار مدكور الجدل عندما تحدث عن صلاته، مؤكدًا أنه يفضل الصلاة في منزله على الذهاب إلى المسجد،

بسبب عدم قدرته على التركيز وسط الزحام، وأضاف: “قبل الصلاة بتهيأ لنفسي،

بقفل التليفون، بنام شوية على الأرض، وبصلي في مكان مخصص في بيتي،

ده بيخليني أعيش حالة روحانية أكتر”.

استعاد مدكور ذكريات إصابته بورم في القولون عام 2019، موضحًا أن الأطباء ربطوا المرض بالحالة النفسية

والتوتر المستمر الذي عاشه بسبب التنمر. وقال: “الناس كانت فاكرة إني قوي من برة،

لكن أنا بتعب من جوا. لما تعبت، ناس كتير جولي يعتذروا، بس قلت لهم: آسفكم مش مقبول،

اللي اتكلم في عرضي ملهوش حق”.

واختتم حديثه برسالة واضحة ضد التنمر: “أنا مش هتأثر بالكلام التافه،

لكن كان لازم أوصل رسالة للناس إن في فرق بين النقد والتعدي على الكرامة والخصوصية”.