محمد رمضان مع الفائز بمسابقته:”روحتله بالكرفان لحد بيته”
نشر الفنان محمد رمضان مقطع فيديو عبر حسابه الشخصي بموقع إنستجرام، وهو يلتقي الفائز وليام عادل أحد سكان شبرا
قال رمضان:” أقرب حد ممكن يكون أتوقع شبه الفكرة اللي احنا عاملينها، أنا في شبرا حاولنا نوصل البيت معرفناش، ولكن احنا دلوقتي في الكرفان عندي وقولت اعزمه علي كوباية شاي”
واضاف رمضان في الفيديو، قائلاً: “أصحابه يلي بتضحكوا النهاردة هتشوفوه معايا وأنا بشرب الشاي معاه في شبرا، علشان تعرفوا إنه هو اللي على حق”.
رداً علي أصحاب ويليام الذين سخروا منه.
محمد رمضان يعلن عن مسابقة عبر الفيسبوك
حيث أعلن محمد رمضان عن المسابقة التفاعلية عبر صفحته الرسمية على الفيسبوك:
“قدامك 24 ساعة لو توقعت فكرة مدفع رمضان صح؛ هجيلك بمفاجأة، وهشرب الشاي معاك قدام بيتك وسط منطقتك، ما تنساش تكتب أنت ساكن فين”
وقد أوفي رمضان بوعده للفائز الأقرب لتوقع فكرة برنامجه “مدفع رمضان” المقرر عرضه في شهر رمضان المبارك عبر قنوات المتحدة للخدمات الإعلامية.
وروجت قناة dmc لبرنامج رمضان الجديد على شاشة القناة من خلال فيديو قصير ظهر فيه الفنان محمد رمضان أمام عدد كبير من المايكات وهو أشبه أن يكون في مؤتمر صحفى،
ويتكلم أمام العلن بجملتين قال فيهما: “رمضان في رمضان”.
