لبلبة عن فقدان والدتها: “أكبر صدمة في حياتي”

تصدرت الفنانة لبلبة “التريند”، بعد ظهورها مع أنس بوخش في إحدى حلقات بودكاست “ABtalks”.

تحدثت لبلبة عن فقدان عائلتها، حيث صرحت:”فقدت أخويا الكبير، ووالدي توفى في المطار، وكان لازم تاني يوم أطلع

في حفلة مذاعة على الهوا، وأغني للناس على مسرح سينما قصر النيل، ورجعنا من الدفنة وعملت مكياج وضحكت

الناس، وعملت أحلى فقرة وبعدها عيطت كتير”، أما عن وفاة والدتها، قالت لبلبة:”وأكبر صدمة في حياتي هي وفاة

والدتي، وقعدت 3 سنين لابسة أسود، وقلعت الأسود لما سمعت كلام جمهوري”، كما كشفت عن وصية والدتها الأخيرة

قبل وفاتها، وأنها خالفت هذه الوصية، حيث قالت:”ماما تعبت في الآخر، وأذكر قبل ما تتوفى بثلاث شهور مسكتني وقالت

يا نونيا أنا عايزة منك حاجتين، لو أنا مت عيشي في بيت تاني علشان متفكريش فيا، ومش عايزاكي تعملي تنازلات لما

تكبري شوية وتقبلي أدوار صغيرة واحترمي مشوارك”، وتابعت:”أنا لسة ساكنة في نفس الشقة الصغيرة المتواضعة

في شارع التحرير في القاهرة، والموبيليا زي ما هي كإنها عايشة، والكرسي بتاعها لما كانت تقعد عليه وتشوف النيل

موجود وفاضي، وأنا الكرسي اللي قدامها..فساتينها موجودة، وأشياء صغير زي القصافة والمشط وطقم الأسنان،

ولبست فستانها في مسلسل مأمون وشركاه مع الأستاذ عادل إمام، وكان من أعظم أدواري”