عمر متولي يكشف سبب انسحابه عن مسرح مصر

• كتبت:
• ملك أحمد

تحدث الفنان عمر مصطفى متولي عن سبب انسحابه من “مسرح مصر”، عندما حل ضيفًا بالبرنامج الإذاعي

“الراديو بيضحك”، من تقديم المذيعة فاطمة مصطفى علي.
أكد عمر متولي عدم حدوث أي خلافات بينه وبين الفنان أشرف عبد الباقي، حيث نفى أن هذا سبب انسحابه

من “مسرح مصر”، قائلًا:”هو فيه أطيب من أشرف عبد الباقي، هل تتخيلي أن حد يبقى شغال معاه 5 سنين ثم

يختلف معاه أوي، ده أحنا كنا بنختلف معاه كل بروفة ونقعد نهزر ونضحك بعدها بـ 5 دقايق ومش فاكرين احنا كنا بنتكلم

في ايه؟، العلاقة بين الفرقة دي بالذات بيني وبين أشرف كانت عاملة زي علاقة أسرة، لأن النجاح بتاع مسرح مصر ده

مايجيش جوه مجموعة بتتخانق كتير مستحيل، أنا كنت وقتها بحضر فيلم الجبابرة وبالمناسبة ده نزل دعايته على

إنستجرام لسه موجود عندي، بس احنا هنضطر نعيده لأن رجاء الجداوي ولبنى محمود ومها أبو عوف التلاتة توفوا

إلى رحمة الله، والفيلم ده كمان في حته لوحده، وقصته أنا وسواق أتوبيس مع 10 ستات فوق السبعين وهيتعاد من الأول”،

وتابع:”والفيلم كنا بنحضره وقت ما كان بيبدأ الموسم السادس بتاع مسرح مصر، ومسرح مصر كان بياخد من وقتنا

16 ساعة في اليوم لمدة 4، 5 أيام في الأسبوع، وكده انت حياتك كلها في مسرح مصر،اخرك تصور جمبه حاجة هادية

أو بسيطة ده لو لحقت، واحنا عشان نصور أوشن 14 مع مسرح مصر كنا مابنامش وكان الموضوع مرهق جدًا، وكان

عندي مشكلة كمان وكانت عندنا كلنا وده طبيعي، أن احنا كنا بقالنا 5 سنين كل سنة بنعمل 25 مسرحية، والفنانين

العظماء اللي قبلنا في المسرح كان بيبقى معاهم رواية وتقعد معاه سنين وهو حافظها فمش واخدة من حياته هذا الضغط،

إنما أحنا كنا بنعمل رواية جديدة كل 3 أيام، وتحبط أيام أن الرواية مابتضحكش وبعدها بكام يوم تشتغل على مسرحية

جديدة خالص”، بينما صرح:”أكيد مكنتش مبسوط وانا بسيب مسرح مصر، وكان لازم قرار ان اسيبهم لأني كنت

داخل على فيلم من أحلام حياتي”.