محمود شاهين يرد على جدل حفل عيد ميلاده

أثار محمود شاهين جدلًا على مواقع التواصل الإجتماعي بحفل زفافه ثم عيد ميلاده الذي احتفلت به زوجته بطريقة مختلفة.
رد محمود شاهين مدير التصوير وابن شقيقة الفنانة إلهام شاهين على الانتقادات التي تعرض لها بعد حفل عيد ميلاده

التي أحضرت له زوجته فيه “راقصة” كهدية، حيث ظهر في لقاء تليفزيوني عبر قناة النهار مع الإعلامية ياسمين الخطيب ببرنامجها “شاي يالياسمين”، وصرح:”مراتي هي اللي جابت الرقاصة في الفرح وفي عيد ميلادي، وهي اللي جابت

الساحر، لأن عيد ميلادي كان مفاجأة بالنسبة ليا، لأنه عيد ميلادي التلاتين وانا مكنتش عايز أعمل عيد ميلاد، جابت

صحابي وعملت مفاجأة، وانا مكنتش متخيل أي حاجة جيبالي هدية لذيذة وصحابي حواليا ومبسوط”، بينما أكمل:”هي عارفة

أنا بحب الرقاصات وبحب أتفرج على الرقاصة وبحب الرقص بكل أشكاله، إذا كان رقص شرقي أو في الأوبرا أنا بحب الرقص

عمومًا، أنا دايمًا ببعتلها فيديوهات لرقاصات لأن هي صاحبتي واتعودت خلاص لأنها عارفة أنا مش جوايا حاجة وحشة،

الموضوع بيبقى مضحك وبنهزر وهي عندها ثقة في النفس، لما شوفت الرقاصة في عيد ميلادي بوست دماغها

وقولتلها شكرًا”.

وعن علاقته بالفنانة إلهام شاهين، قال محمود شاهين:”أنا شخص عشوائي جدا، وإلهام شاهين دايما تقولي خد بالك

من أفعالك، وإلهام عمرها ما هتقف في الغلط، إحنا اتعملنا الدين كويس أوي واتعملنا إننا نحترم اللي حوالينا وعمر ما

في واحد مننا عنده مشكلة مع حد ولا بحكم على بني آدم ولا ميوله ولا دينه ولا شكله، ودا اللي اتربيت عليه من أمي

وإلهام وأبويا، إحنا بنتربى على إننا بنتقبل الغير”.