هلا رشدي تتحدث عن إصابتها بالاكتئاب

تصدر اسم الفنانة هلا رشدي البحث بمواقع التواصل الإجتماعي، وذلك بعد ظهورها في بودكاست “تنفس”،

الذي يعرض على “اليوتيوب”، وتحدثت عن معاناتها مع مرض الاكتئاب.

صرحت هالة رشدي عبر بودكاست “تنفس” مع أيمن حسام:”جالي اكتئاب في 2019 وروحت لدكتور

نفسي وشخصني، والدنيا اسودت في وشي إني معدتش بفرح وعملت حاجات غلط عشان أكون كويسة، وكنت

بخبط دماغي في الحيطة وبقول لربنا أنت سايبني ليه خدني عندك، وزوجي لم يتخلّ عني وصبر عليا صبر أيوب”،

كما تابعت:”كلمت ربنا وقولتله أنا آسفة إني مش صح ومش قادرة أعبدك ولما بقرأ قرآن بحس بحاجز كبير، طلعني

يا رب من اللي أنا فيه، وقعدت فترة مش بصلي خالص وكنت بقرأ الورد بس ويوم عيد ميلادي الـ 33 قولت لنفسي

دا عمر أهل الجنة وروحت صليت وقولتله هحاول أكون معاك يا رب قويني”، بينما تحدثت عن الرضا بقضاء الله

قائلة:”الرضا جنة الدنيا والسلام النفسي أن الإنسان يكون متطمن لأقدار ربنا وعارف إنه مظبطله حياته وأموره كلها،

وإن بعد المحنة هيكون فيه فرحة، والرضا موجود في أصغر الأشياء، والمقارنات على السوشيال ميديا مش حقيقة”،

كما أكملت حديثها:”لما روحت عمرة بعد فترة الاكتئاب اللي مريت بيها حسيت إني طايرة وسط الناس بالرغم من إني

عملت عمرات بعدد شعر راسي ومن كتر الفرحة قولتله يا رب شكرًا وقولت لنفسي أنا هموت ولا إيه”.