تصريحات دلال عبد العزيز عن الموت قبل وفاتها

ظهرت الفنانة دلال عبد العزيز في لقاء مع الإعلامية منى الشاذلي قبل رحيلها بثلاثة أعوام، وتحدثت

عن الموت وحالات الوفاة، وأنها كانت دائمًا حريصة على حضور العزاءات، وأداء واجب العزاء والوقوف مع

أهل المتوفي، موضحة أنها تعلمت ذلك من والدتها، حيث قالت دلال عبد العزيز:”والدتي علمتني من

وأنا صغيرة أن العزاء واجب، كانت تقولي طنشي لو في فرح وأنتي مشغولة، ونادرًا لما تلاقيني في أفراح،

سمير غانم مسميني عزاء عبدالعزيز، أنا لما بقرأ حادثة أو حد فقد ابنه أو بنته ببقى عايزة أروح أعزي وأنا

معرفوش، ببقى عايزة أحضنها وأسلم عليها، وبناتي اتعلموا مني وبيعملوا كده على طول مبيتأخروش، هي

دي الأصول، إحنا اتربينا في الزقازيق لما يموت حد منفتحش التليفزيون، وكنا بنقعد مدة كده”،

كما أضافت:”كان زمان الموت قليل عن كده، دلوقتي الموت بقى كتير أوي، كنا فين وفين لما بنسمع إن

حد مات.. أنا دايما بتحضرني مقولة مهمة في عيد الأم وهي إذا مات الأب، مات البني آدم اللي الناس

بتكرمك عشانه، وإذا ماتت الأم مات البني آدم اللي ربنا بيكرمك عشانه”، وتابعت:”أنا كنت بعيط في عيد الأم

وماما عايشة أكتر من دلوقتي، لأني كنت حاملة هم اليوم اللي هتموت فيه، جدتي كانت تدعي دايما وتقول

ربنا يديني عمري على قد صحتي، الناس الكبيرة بركة في البيت، الأستاذ أنيس منصور الله يرحمه

قالي أنا محستش إني كبرت غير لما أمي ماتت”.