شيماء سيف تتحدث عن خضوعها لعملية «تكميم» كي تخسر وزنها

• كتبت:
• إنچي العزازي

حلت الفنانة شيماء سيف ضيفة ياسمين عز، في برنامج «كلام الناس»، وتحدثت عن العملية التي خضعت لها،

والأسباب التي شجعتها لاتخاذ الخطوة، مؤكدةً أنها أخذت الخطوة حين بدأ وزنها يؤثر سلبيًا على صحتها.

حيث تحدثت عن خضوعها لعملية «تكميم» كي تخسر وزنها،

ولاحظ الجمهور الأمر حين حضرت حفل زفاف شقيقة محمد سامي وبدت في جسد أكثر نحافة.

وقالت شيماء: «أنا عاملة نيولوك، وعملت العملية بتاعة تكميم المعدة، وخدت القرار،

بالرغم من أني صاحبة مقولة ليه أعمل ريجيم وقدامي مكرونة بشاميل وشيكولاتة، ولكن كنت بقول كدا عشان صحتي كانت كويسة».

وتابعت شيماء: «لكن فجأة ودون سابق إنذار رجلي وجعتني، وركبتي مكنتش قادرة منها،

ومش عارفة عامل إيه، وأطلع السلم وأصرخ، وكان عندي وجع فظيع، وكلمت دكتور قالي لازم أعمل أشعة،

ولما بعتهاله، قالي إحنا لازم نعمل تغيير مفصل حالًا».

وأكملت: «وأنا بكره أدخل مستشفيات، وانهرت وجالي اكتئاب، وعنيا كانت بتدمع من كُتر ما كنت زعلانة،

وروحت لدكتور تاني، قالي إني مش محتاجة أعمل عملية، ولكن أنتي محتاجة تخسي،

ومي كساب اللي شجعتني وقالتلي متقلقيش يا شيماء ويلا ولازم نعملها، وفعلًا خدت الخطوة وخسيت 50 كيلو».