حورية فرغلي تعلن عن مسرحيتها الجديدة
أعلنت الفنانة حورية فرغلي منذ فترة عن تجسيدها للنسخة العربية من أميرة ديزني الشهيرة “رابونزل” من فيلم Tangled في المسرحية.
كما تحدثت عن مقطع فيديو يرصد مراحل استقبال الجمهور لها قبل عرض مسرحية “رابونزل بالمصري” وبعدها،
كما وجهت رسالة للجمهور بعد أول ليلة عرض
ونشرت حورية، الفيديو، عبر حسابها على إنستجرام،
وعلقت: “الحمد لله أول ليلة عرض من المسرح.. شكرا لكل جمهوري العظيم اللي دايما في ضهري، ويا رب دايما أكون عند حسن ظنكم”.
شخصية روبانزل
شخصية رابونزل ظهرت لأول مرة في فيلم Tangled الأمريكي عام 2010،
وتدور أحداثه حول الأميرة التي خطفت من قبل امرأة عجوز حبستها بداخل برج لكي تستغل شعرها الطويل الذي لديه قدرة خارقة على إعطاء النساء جمال دائم،
وعندما يستخدم أحد الأمراء برجها كمخبأ، تطلب منه المساعدة للتحرر من السجن.
تصريحات حورية فرغلي عن المسرحية
وقالت حورية فرغلي في تصريحات صحفية عن المسرحية: “الشغل مع الأطفال مش سهل خالص دي أول مرة اشتغل معاهم،
كنت قلقانة لأني ظهرت في المسرحية بشعر أسود، هما عارفين القصة وحافظينها وكنت متخيلة هيقولولي شعرك مش أصفر زي الشخصية،
وأنا مينفعش أخلي شعري أصفر مش حلو عليا ومش لايق معايا بس قلنا إن الساحرة غيرت لون شعري عشان ميبقاش السحر قوي”.
وتابعت حورية فرغلي متحدثة عن الشخصية: “الوقوف على المسرح ليه رهبة خاصة مش زي التليفزيون والسينما،
لكن أكتر حاجة شدتني في الشخصية هي البراءة، هي بتشبهني في برائتها وأنها تعرضت للظلم في حياتها”.
وعن الظلم الذي تعرضت له حورية فرغلي، دافعت عن نفسها وما قيل عنها إنها تتعاطى مواد مخدرة
قائلة: “أخد مخدرات ليه؟ ودا شكل واحدة بتاخد مخدرات، ولو بيقولوا كده عشان موضوع إني بشوف عفاريت في البيت،
مش أنا اللي قلت ده، أنا كنت في برنامج “حبر سري” واللي بتقرأ التاروت هي اللي قالت وأنا وقتها قلت لها عرفتي منين أنا كنت فاكرة إن بيتهيألي”.
وتابعت حورية فرغلي: “أنا مش بيتهيألي بنت وولد قاعدين في الصالون بشوفهم،
وفي 2 سواقين اشتغلوا عندي ومشيوا وخافوا لما هما كمان شافوهم”.
وأكدت حورية فرغلي أن عدد كبير من الفنانين لا يحبون العمل معها لأنهم يخافون منها وهي لا تعرف سبب ذلك.
