حورية فرغلي لـ”وش تاني”: “أمي ودتني لدكتور نفساني وأنا نسخة من جدتي”

تحدثت حورية فرغلي، خلال الحلقة عن طفولتها وشخصيتها ووالديها وزوجة والدها،

قائلة: “طفولتي مكنتش سعيدة خالص، كانت عاملة زي سندريلا شوية وأبويا وأمي

اتطلقوا وأنا عندي 48 ساعة، وابتديت أتكلم وأنا عندي 7 سنين وأمي ودتني عند دكتور نفساني”.

كما تابعت: ” مرات الأب كانت مفترية شوية الله يرحمها بقى، وأبشع يوم في حياتي

هو يوم وفاة جدتي وأنا مقدرتش أروح ولا أغسلها ولا أدفنها لأني أنا احترمت عمتي

ووالدي اني ميكونش فيه كاميرات، وأنا نسخة منها في موضوع الرحم وشعري

وجسمي وطولي زيها عشان كدا سموني حورية على اسمها”.

واستكملت: “بابي عايش عشان يذاكر وهو بيعمل الدكتوراة الـ 12 وهو دلوقتي عنده 77 سنة

وواخد سادس أحسن جراح في العالم، ومبحبش أدخل في حاجة مقتنعة إني مش هنجح فيها،

وطول عمري فاكرة الأيام اللي اعتمدت فيها على نفسي واشتغلت عشان أصرف على نفسي”.

وأوضحت: “أنا عندي استقلال في الشخصية طول عمري لوحدي ومتربتش بين عيلة،

ولو جه يوم أعمل رسالة دكتوراة هختار أسهل حاجة دكتورة رجيم،

ولو جه يوم أتخلص من عادة سيئة هتكون السجاير”.

وأضافت حورية فرغلي: “لو جه يوم إني أدي جايزة لشخص هيكون بنت أخويا ملك عندها 25 سنة،

لأنها خلصت دراستها في إنجلترا وجت هنا وفتحت البيزنس بتاعها وابتدت تنجح وده كله من غير مساعدة”.

حورية فرغلي :الناس نسيتني ومعنديش اصحاب ونفسي احب

اشتكت الفنانة حورية فرغلي من قلة الأدوار الجيدة المعروضة عليها مؤخرا،

الأمر الذي شجعها على الوقوف على خشبة المسرح لأول مرة، وتقديم مسرحية للأطفال.

وقالت الفنانة “أنا علشان ربنا حرمني من الأطفال وأنا أعشق الأطفال،

ولقيت مفيش شغل وحاجات حلوة معروضة علشان أقدمها، قررت أعمل مسرحية للأطفال،

ولأول مرة في حياتي أقف على خشبة المسرح”.

هيثم أحمد زكي

تحدثت الفنانة حورية فرغلي عن الفنان الراحل هيثم أحمد زكي وعلاقتها به،

كاشفة أن أصدقاء مقربون أخبروها أنه عندما توفى كان لا يزال يحبها.

وحكت حورية فرغلي خلال لقائها في برنامج “أسرار النجوم” من تقديم الإعلامية إنجي علي،

عبر قناة وإذاعة “نجوم FM” عن هيثم أحمد زكي: “قابلت هيثم عند أستاذ خالد يوسف

لما كنا بنعمل فيلم “كف القمر” وعرفت إن دوري هيكون معاه، أنا أكبر منه بـ6 سنين،

كنا أصحاب في الكواليس ويوم عيد ميلاده روحنا بيته كان بيت هادي جدا، كان وحيد،

كان يطلب الأكل ويسيبه بالأيام من غير ما حد يساعده في توضيب البيت،

أنا بقيت بعمل كده، أنا حبيته جدا في الأول مش حب راجل لست لكن في وقت ميلت ليه”.

 

 

وتابعت لتحكي كيف انتهى الأمر بينهما وقالت حورية فرغلي: ” هيثم أحمد زكي كان غيور جدا،

كنا بنصور مسلسل “دوران شبرا” ووالدة الفنان هاني عادل توفيت،

روحت أقدم ليه التعازي في نص اللوكيشن بتكلم معاه، راح هيثم جابني

من شعري في وسط اللوكيشن وضربني وشتمني، وفي الآخر قالي يا “طنط”،

أنا كل اللي قاله مأثرش فيا لكن كلمة “طنط” دي كانت درس إني معرفش واحد أصغر مني ولو بيوم”.

 

كما أضافت حورية فرغلى: “أنا اتقالي والله أعلم دا حقيقي ولا لأ، أنه هيثم أتوفى

وهو لسه بيحبني، لأنه حاول كتير إننا نرجع لكن كان الموضوع وصل لحته خطر”.

 

 

بينما يذكر أن حورية فرغلى أعلنت مؤخرا انسحابها من فيلم “ديجافو” الذي كان من المقرر تصويره في شهر ديسمبر الماضي.

كما كتبت حورية فرغلي منشورا على حسابها الرسمي بموقع Facebook

بينما قالت فيه “السلام عليكم خبر هام جدا اعتذر رسمي عن فيلم ديجافو لعدم المصداقية في التعامل”.