خالد النبوي يكشف تفاصيل مشهده الشهير في فيلم الديلر (فيديو)

كشف الفنان خالد النبوي تفاصيل مشهد الخطبة الشهير في فيلم الديلر،

حيث أكد أنه ذهب للمركز الثقافي الروسي للتحضير للمشهد.

وأضاف في لقائه مع الإعلامي محمود سعد في برنامج sold out: «الفكرة أنك رايح تتعلم

وعايز تعمل شئ يدهش الناس، طيب احنا هنسافر والراجل ده هيبقى مشهور في المكان ده».

وتابع: «روحت لصديقي الشاعر والسيناريست مدحت العدل هو شخص جميل أوي لأنه رجل متواضع

ومش متكبر، قلت له مشهد الخطبة أكبر مشهد في الفيلم وعايزين نبهر الناس

وأنا هذاكره بغض النظر إيه هي البلدـ فقالي تمام».

وأردف: «قلت له فاضل المنتج، فرحنا للفنان الراحل سامي العدل، وأقنعناه بتنفيذ المشهد في أوكرانيا».

واستطرد: «ذاكرت المشهد 3 أشهر،، ورحت للمركز الثقافي الروسي، وأنا مكنتش خالد النبوي

كنت على الحلواني، ومحبتش أقدمه كنمط لأني شايف تاريخ ممثلين عظماء ورايا فلازم أذاكر وأتعلم وأكون متواضع دائمً

 

قال خالد النبوي “احنا بنقف مش حداد لا تكريم وتشريف واعتراف بأن أعظم إنسان انهاردة

على وجه الكرة الأرضية هي الأم الفلسطينية اللي بتوهب ولادها

فداءً ونضالاً لاسترداد الأرض ومفيش أغلى من الأرض”

وقبل ما نتكلم عن الأم الفلسطينية أو الفلسطيني لازم نفكر كتير ونحط نفسنا مكانهم

ونشوف مين فينا يقدر يستغنى عن ضناه أو يضحي بيه أو يوهبه فداءً لقضية هو مؤمن بيها من 75 سنة”

كان خالد النبوي قد تحدث خلال الحلقة عن رأيه في نور الشريف وقال “مش سهل ابدا تبقى نور الشريف،

أنا دخلت المكتب عنده وشوفت ال22 جزء من موسوعة قصة الحضارة وهو كان بيعملنا لقاء علشان فيلم

عايز فيه شباب صغير من المعهد فانا لما شوفت هو بيتعامل مع الكتاب

ازاي قلت أنا عايز يبقى عندي الكتاب دة وفعلا جبتها”

 

نصيحة نور الشريف

كما تابع متحدثا عن نصيحة نور الشريف له “هو اللي قالي لازم تستمر أنا كنت برفض أعمال

هو قالي السينما لازم استمرار واوعى تبعد حتى لو السيناريو مش عاجبك اعمله

ومتقعدش في البيت لأن وانت بتشتغل هيجيلك السيناريو اللي يعجبك لغاية لما تقدر تتحكم ومتعملش غير الكويس”

بينما أجاب خالد النبوي عن كيفية صناعة النجم وقال “في طريقين الأول أنك تخلي شخصياتك نجوم

زي أحمد زكي يعمل شخصية يخلي الشخصية نجم ولولا احمد زكي أنا مكنتش هفكر في التمثيل

ولولا نجيب الريحاني مكنتش همثل وانا طول الوقت بحب اشوف اللي قبلي”

 

 

يذكر أن خالد النبوى يشارك في موسم دراما رمضان 2024 بمسلسل “إمبراطورية ميم” مع نخبة من الفنانين

من بينهم حلا شيحة، نور النبوي، نشوى مصطفى وغيرهم، “إمبراطورية ميم” مأخوذ عن الكاتب الراحل

إحسان عبدالقدوس، وعرض للمرة الأولى كفيلم سينمائي عام 1972،

بطولة الفنانة فاتن حمامة وعدد كبير من نجوم الفن.