«حمو بيكا»: بوقف حد جمبي عشان يقولي الكلام عشان مبعرفش أقرأ

حل مطرب المهرجانات الشعبية حمو بيكا ضيف على برنامج يومنهم، والذي تقدمه الإعلامية فرح شاهين

على شاشة قناة هي، وتحدث خلاله عن سبب وجود ملقن معه أثناء أداء الأغنيات،

فضلا عن رأيه في نقيب الموسيقيين الحالي الفنان مصطفى كامل.

بينما قال حمو بيكا خلال البرنامج: بوقف حد جمبي عشان يقولي الكلام عشان مبعرفش أقرأ

وبشوف نفسي أسرع واحد بيغني، ومعنديش وقت أتعلم أ ب ت

ولو عايز أتعلم كنت اتعلمت من زمان، ممكن أعمل في اليوم 4 أغاني،

ومعايا الشاعر والملحن والموزع وكل حاجة وفي نفس اليوم ممكن أسجل.

بينما تحدث بيكا هو مشاريعه بخلاف عمله في الفن،

فقال: قفلت 3 مطاعم عشان خسرت ومكنتش فاضي أركز معاهم والناس

كانت بتسرقني وانا كنت مسافر، ودمروا حياتي.

كما رفض حمو بيكا التعليق على صورة الفنان هاني شاكر نهائيا،

بينما اكتفى بمجرد نشر صوره بالقول: لا تعليق.

وعن نقيب الموسيقيين الحالي، قال حمو بيكا: مصطفى كامل مبيحبش يقطع عيش حد،

محترم مش بيحب يقطع عيش حد خالص وواقف جمبنا وجابلنا حقنا ورجعلنا حقنا،

كفايه بترن عليه في أي وقت بيرد عليك في نص الليل، مشفنهاش خالص دي أن النقيب يرد باستمرار زيه.

كما علق بيكا على صورة الهضبة عمرو دياب، قائلا: شغله غير شغلنا، وشغلي يحتم عليا الظهور،

احنا بننزل أماكن السهر نشتغل فيها، وأفراح، أنما عمرو دياب ممكن تشوفي مرة واحده بالسنة،

احنا نجوم ولينا ناس زيه.

حمو بيكا يدعو الفنانين لطرح أغنية دعمًا لفلسطين

سبق ودعا حمو بيكا زملائه الفنانين لطرح أغنية لدعم أهالي غزة والقضية الفلسطينية،

مؤكدًا أن أرباح هذه الأغاني سوف يتم التبرع بها لمساعدة أهل قطاع غزة بعد الأحداث الأليمة

التي لحقت بهم جراء حربهم مع إسرائيل المحتلة، إذ كتب: مساء الخير، طبعًا أنا فنان

وفي ظل هذه الظروف اللي بتمر بيها فلسطين وأهلنا هناك.. أنا لا أملك إلا الدعم الفني والمادي والمعنوي،

علشان كده قررت أعمل أغنية لدعم القضية الفلسطينية و100% من أرباحها هتبرع بيها لدعم إخواتنا في غزة.