أحمد حلمي: أولادي مش بيتفرجوا على افلامي والإعلانات بتساعد الفنان يختار أعماله بعناية
رد الفنان أحمد حلمي على سؤال الإعلامي محمود سعد في الجزء الثاني من برنامج “سولد أوت” عن عمل الفنانين في الإعلانات.
قال أحمد حلمي “شغل الإعلانات بيساعد الفنان أنه يلتقط أنفاسه ويختار أعمال فنية
بعناية لانه بيجيب دخل مادي كويس،لكن الإعلان بالنسبة لي زي الفيلم لازم يبقى حلو وياخد حقه”
أحمد حلمي
وتابع قائلا أن الإعلانات تساعد على اختيار الفيلم الذي سيشارك فيه بعناية
وأن لا يلجأ للمشاركة في أعمال دون المستوى من أجل الربح المادي.
كما كشف أن أبناءه لا يشاهدون أعماله الفنية حيث قال “ولادي مشافوش افلامي،
وامبارح بالصدفة كنت بقلب في التلفزيون ولقيت فيلم بلبل حيران وانا مبحبش اتفرج على نفسي
لكن سليم قالي سيبه ودي كانت أول مرة يقعد يتفرج”
أحمد حلمي
كان أحمد حلمي قد حل ضيفا على الإعلامي محمود سعد في حلقة مقسمة على جزئين
كما تحدث في حلقة أمس عن بداياته وقال “الأستاذة سناء منصور لها فضل كبير بعد ربنا فى مشواري،
ودخلته بالصدفة قابلت واحد صحبى شغال هناك كان بيشتغل في الإخراج،
وقالى ما تيجى تشتغل في التليفزيون، فروحت واخدلى ميعاد عشان أقابل سناء منصور رئيس القطاع الفضائي”.
وتابع “”قعدت ساعتين تلاتة ومعرفتش أقابلها عشان كان عندها شغل واجتماعات كتيرة واخدت ميعاد تانى،
وعرفتها إنى خريج ديكور وقالتلى طيب اشتغل يلا فعرفتها إنى عاوز اشتغل في الإخراج،
وقالت لمحمد خلف صديقى، انزل معاه مساعد وهو كان بيخرج برنامج أطفال اسمه أحلام العصافير،
فقالتله خده معاك يساعدك، وبدات أنزل معاه مساعد”.
