إيمي سمير غانم : مبحسش أن دمي خفيف وكنت بتخانق مع حسن الرداد في مسلسل عزمي وأشجان وأروح معيطة
كشفت النجمة إيمي سمير غانم عن التغير الذي حدث لشخصيتها بعد إنجابها طفلها الأول، وأيضا التغير الذي حدث لزوجها النجم حسن الرداد.
وقالت إيمي سمير غانم خلال تصريحات تليفزيونية: “أنا أصلا شخصيتي شخصية أم وكنت مهيأة نفسي، قبل الولادة كنت مدمنة مساعدة
أي ممثل كبير في التصوير معانا زي بابا، أو أي حد سنه كبير في الشارع، دلوقتي بقيت أوفر في الاهتمام بالأطفال وأنا أصلا مش بفهم في الأطفال”.
وأضافت: “حاليا مش عارفة أشتغل علشان ابني موجود معايا في كل مكان ومش عارفة أسيبه”.
وردا على سؤال كيف تغير حسن الرداد، قالت إيمي سمير غانم: “حسن بيتوتي بطبعه،
وبعد الأحداث اللي مررنا بها في عيلته وعيلتي بقى علطول عايز يشوف ابنه، ولو شغال عايز يرجع بسرعة علشان يشوفه ومش بيعبرني”.
يذكر أن إيمي سمير غانم لم تظهر في أي لقاء تليفزيوني أو صحفي منذ وفاة والديها، واكتفت بالظهور في فيديوهات عبر حسابها بتطبيق TikTok، مع زوجها النجم حسن الرداد.
ورزقت إيمى سمير غانم وحسن الرداد بأول مولود لهما في 2 يناير وهو نفس يوم عيد ميلاد حسن الرداد.
كشفت الفنانة إيمي سمير غانم، كيف مرت من أزمة رحيل والديها، الفنان سمير غانم، والفنانة دلال عبد العزيز،
كما أشارت إلى أنها عاشت سنتين في حالة صمت، من صدمة الموقف الذي مرت به
لكن حاليًا بدأت تتعايش مع الأمر، وتفكر في العودة للتمثيل من جديد.
ونستعرض لكم أبرز تصريحات إيمى سمير غانم خلال لقاء تليفزيوني لها:
ـ قعدت سنتين عشان أفوق من صدمة وفاة بابا وماما.
ـ مش عارفة بابا وماما ماتوا من سنتين ولا 3.. مش عارفة أعد.
كما فوقت بعد سنتين من وفاة والدي بمعنى إني أقدر أتكلم وأتعايش.
ـ قعدت سنتين كنت في حالة صمت تام لكن حاليًا الحمد لله بقيت عارفة أتكلم.
ـ بعد الولادة بقيت مدمنة أطفال وحسن مش بيعبرني.
تصريحات إيمي سمير غانم
ـ كنت بتخانق دايمًا أنا وحسن الرداد في مسلسل عزمي وأشجان.. وبروح بيتي معيطة.
ـ مش بحس بضغط لما بتقارن أنا أو دنيا بوالدي سمير غانم، لأن تاريخهم حافز ومساعد.
أنا ودنيا عمرنا ما هنجيب ربع بابا وماما ومش صح يقارنونا بيهم.
ـ مش بحس دمي خفيف زي بابي.
ـ جوزي غيري تمامًا وشايف إني عجوزة وأنا صغيرة.
مع الأحداث بتاعة غزة بمسك التليفون وببقى مش عارفة أتنفس ومش بنزل حاجة ومش عايزة أتحرك.
ـ أنا مبفهمش في حاجة تانية غير التمثيل.
بابا وماما كانوا بيحبوا إننا نشتغل ودنيا بدأت الحمد لله وأنا إن شاء الله هشتغل قريب.
ـ أول مرة أحس إني مشهورة بعد مسلسل هبة رجل الغراب.
