أخت سعاد حسنى: عدد إخوات السندريلا 16.. ومحمود عفت عازف الناى ليس منهم

كشفت السيدة جيهان عبدالمنعم، الأخت الصغرى للفنانة سعاد حسنى، عن كواليس علاقة عبدالحليم حافظ،

بسعاد حسني، حيث أكدت أنهما تزوجا 6 سنوات ونصف.

وأضافت في معكم منى الشاذلي على قناة on e :«كانوا متزوجين وقعدوا 6 سنين ونصف

وكان بيجي عندنا البيت، ويجبلنا شوكلاتة وكان بيحسسنا إن احنا ولاده، فكان بيعاملنا كولاده».

وتابعت: «احنا كنا معاها على طول ما عدا ساعات الشغل، لكن أي وقت تاني إحنا معاها،

فأنا كنت بشوف عبدالحليم بشكل مستمر خصوصأً لما كانوا متجوزين».

وأوضحت: «بنتي طلعت معاها في إحدى الأغنيات، مسلسل هو وهي، كنت في الوقت ده بشتغل معاها

في هو وهي لأنها كانت عاملة ريجيم قاس ووزنها كان 42 كيلو».

 

 

كواليس الزوجة الثانية

كشفت جيهان عبدالمنعم الأخت الصغرى للفنانة سعاد حسني ، عن موقفًا طريفًا من كواليس الزوجة الثانية،

كما أكدت أن عمدة القرية التي كان من المفترض أن يصوروا فيها الفيلم في الشبداية كان يرغب بالزواج منها».

وأضافت في برنامج معكم منى الشاذلي على قناة on e: «أحب أفلامها لنفسها خلي بالك من زوزو

والزوجة الثانية اللي حصل فيه موقف، كانوا في الأرياف وعمدة القرية الللي بيصوروا

فيها كان مديهم كل الصلاحيات والإمكانيات في التصوير لأنه كان عايز يتجوزها».

وتابعت: «العمدة قال سعاد حسني أنا عايز اتجوزك، قالتله ازاي؟ إحنا هنشتغل هنا ونمشي على طول،

وهي كانت متجوزة فكان دمها خفيف فقالتله مش هينفع، نخلص الفيلم وبعدين نشوف».

كما استطردت: «قالها قبل ما تمشي تجوزيني وإلا تمشوا من هنا ومتصوروش،

فالمخرج صلاح أبوسيف رحل بطاقم العمل عن القرية وصوروا في مكان تاني».

وكشفت جيهان عبد المنعم، أخت الفنانة الراحلة سعاد حسني،

أن عازف الناى الشهير محمود عفت ليس أخ سعاد ولا تربطه صلة قرابة بها

كما يتردد، أما عن نجاة الصغيرة فهى أخت سعاد حسنى من الأب.

بينما أضافت أن عدد الأخوات الأشقاء لسعاد حسنى 2، بينما غير الأشقاء 14، إذن مجموع عدد أخوة سعاد حسنى 16 أخّا وأخت.

كما أكدت أن صباح شقيقة سعاد حسنى ماتت وعندها 16 سنة، وانهارت بعدها السيندريلا فذهبت للعيش معها فى الزمالك