إلهام شاهين : مهاجمين ألفريدو قبل عرض العمل ميلشيات نشطة عارفاهم وحفظاهم بيشتموا إحتياطي
علقت الفنانة إلهام شاهين على مهاجمي مسلسل ألفريدو قبل عرضه المسلسل وقت طرح البوستر قائلة : ” ” ” ميلشيات
إلكترونية نشيطة وأنا عارفاهم من طريقة الكتابة وحفاظهم وحافظة طريقتهم وبدأو يشتموا إحتياطي قبل مايشوفوا ويقلك
ست كبيرة وهتحب شاب صغير؟! حتى لو ده حقيقي ليه بتحكموا قبل ماتشوفوا؟ وأنا عارفة ان الهجوم ده عشان إلهام
شاهين مش عشان المسلسل وده متوقع لاني أرائي لاتتغير ومش بخاف من حد وأنا صادقة مش بعرف أجامل ولا أنافق ولا
حتى جمهوري عشان أكسبه ”
لميس الحديدي
بينما رداً على سؤال الحديدي الذي قالت فيه لكن بعض الفنانين بيشوفوا أن دبلوماسية الفنان مهمة عشان مايخسرش
الناس قالت خلال لقاء عبر ” برنامج ” كلمة أخيرة ” الذي تقدمه الاعلامية لميس الحديدي على شاشة ON : ” ده نفاق
عشان تكسب كل الناس صعب تكسب كل الناس الرسل وربنا سبحانه وتعالى فيه ناس لم تؤمن بهم تعمل كده أنت إزاي ؟
أنت كده منافق ”
موضحة أنها لاتتعمد إثارة الجدل أو إستفزاز الناس قائلة : ” : ” أنا مش قصدي أستفز الناس أنا ست صادقة جداً ماعنديش
توازنات ولا توؤمات بغير على ثلاث حاجات على الفن وبلدي وديني لان الاراء المتشددة مسيئة له وبغير على بلدي والي يقرب
منها باكله والتلات حاجات دول متقربش منهم ”
بينما وجهت رساله لمهاجميها قائلة : ” الي زعلان ومش بيحبني متتفجرش عليا أنا مش بشربك المسلسل بالعافية ؟
طيب تتابع ليه المسلسل وبتدخل صفحتي ليه ؟ إققلب المحطة وماتفشش فيه ناس فاضية وماعندهاش شغلانة معنى أنك
بتدخل على صفحتي وبتتناقش في العمل يبقى متابعني ”
ولم تستعبد شاهين ان يكون هناك مجندين إلكترونيا في هذا الغرض لموقفها الذي اتخذته من أول ايام حكم الاخوان قائلة :
” أكيد فيه ناس متجندة أنا عندي عداوات ومش متفاجئة من الاتجاهات لاني كنت شرارة الحديث عن الارهاب لاني أول واحدة
نطقت بعد اسبوع من تولي الاخوان الحكم وكانت الناس مصدومة ومكتئبة أنا بقى نطقت أول واحدة”
وججهت رساله لمهاجميها قائلة : ” مش عاوزاكم تحبوني لكت إحترموا فني يامتدنين أوي مش السيدة خديجة تزوجت
الرسول وكانت أكبر منه بعمر 15 سنة ؟ ولا أنتوا معترضين على الرسول ”
ورداً على سؤال الحديدي هل ممكن إلهام شاهين تحب شاب اصغر منها قالت : ” معرفش ماجبرتش لكن جايز ليه لا ؟
ماعرفش أنا مش بدافع عن الفكرة بدافع عن اي إمرأة في المطلق ”
