تعرف على رسالة حسن شاكوش لـ ريم طارق بعد تصريحاتها
رد مغني المهرجانات حسن شاكوش على الفيديو الذي نشرته زوجته السابقة ريم طارق
كما أعلنت من خلاله انتهاء الخلافات بينهما وحصولها على كامل مستحقاتها الشرعية.
بينما كتب حسن شاكوش على حسابه بموقع Facebook “انا اولا بشكرك يا ريم علي كلمة الحق الي قولتيها في حقي دلوقتي
وذكرتي انك مشوفتيش مني غير الخير. وقابل اعتذارك علي ماصدر منك وانا مكنش ليا اي رد فعل قدام الناس
ومش من تربيتي اني اشهر بي بنات الناس حتي لو رد علي كلام يجرحني او اساءه ليا ”
بينما تابع “مع ان ده كان مأثر عليا نفسيا وعلي اهلي وكل الي حوليا وقابل اعتذارك.
وعفا الله عما سلف والمسامح كريم واتمنالك كل خير في حياتك واشوفك دايما بخير”
بينما كانت ريم طارق قد نشرت فيديو لبرنامج “دعوة فرح” الذي تقدمه الإعلامية فرح شعبان
والمذاع على قناة “هي” وقالت فيه ” الحمدلله أخدت كل حقوقي الشرعية من حسن، والحمدلله اني طلعت شخص كويس، وهو كمان شخص كويس، وراجل محترم”
وأضافت: “كل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع
سواء من أهله او من اهلي او مامته ف حقهم على راسي وكل شئ قسمة ونصيب”.
يذكر أن ريم طارق رفضت الاعتذار لحورية فرغلي بعدما تم الزج باسمها في أزمتها مع طليقها.
كما قالت ريم طارق خلال لقائها مع الإعلامية مروة صبري ببرنامج “قعدة ستات”: أنا مقولتش حاجة عشان اتراجع فيها ومش هعتذر،
حورية فرغلي مش زعلانة مني لأني أنا مقولتش اسمها وأني قولت حرف بس، أنا مقولتش مين الشخصية اللي بتكلم عنها عشان أتراجع عن كلامي”.
كما تابعت “أنا محاسبش ست، الشخص ده لو مكتفي بالبنت اللي اتجوزها مش هيبص لحد،
لو حاسبتها أبسط حاجة هتقولي روحي لجوزك مش هروح للغريبة أقولها ليه بتعملي كده،
ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه”.
