طليقة حسن شاكوش عن حورية فرغلى: مش هعتذرلها لانى قلت الحقيقة
أكدت ريم طارق طليقة حسن شاكوش، أنها لن تعتذر للفنانة حورية فرغلي، بعدما تم الزج باسمها في أزمتها مع طليقها.
وقالت ريم طارق خلال لقائها مع الإعلامية مروة صبري ببرنامج “قعدة ستات“:
أنا مقولتش حاجة عشان اتراجع فيها ومش هعتذر،
حورية فرغلي مش زعلانة مني لأني أنا مقولتش اسمها وأني قولت حرف بس،
أنا مقولتش مين الشخصية اللي بتكلم عنها عشان أتراجع عن كلامي”.
حورية فرغلي
بينما أوضحت أزمتها مع حسن شاكوش قائلة: “أنا محاسبش ست،
الشخص ده لو مكتفي بالبنت اللي اتجوزها مش هيبص لحد، لو حاسبتها أبسط حاجة هتقولي روحي لجوزك
مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص
لو مش محترم الشخصية اللي معاه خلاص يسيبه لحد تاني يقدره ويحترمه”.
طليقة حسن شاكوش من برنامج قعدة ستات
كما كشفت ريم طارق، عن تعرضها للخيانة وكان هذا سببا من أسباب طلبها الانفصال.
ريم طارق أكدت أنها لن تعتذر لحورية فرغلي
وخلال لقائها مع برنامج “90 دقيقة” مع الإعلامية بسمة وهبة قالت ريم طارق: “كنا في نهار رمضان،
كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة،
ولما رجع البيت كتبت له وصلت يا حبيبي.. وبينهم علاقة”.
كما أضافت ريم طارق، “: قعدت 30 يوم في شهر رمضان أشوف حاجات زي كده ومختلفة
وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها”.
حسن شاكوش وريم طارق
بينما كان محامي المطرب حسن شاكوش كشف إنه قرر طلاق ريم طارق غيابيا وبشكل رسمي على يد مأذون،
وجرى إثبات ذلك عبر مستند رسمي لدى نيابة أكتوبر، وذلك حسب تصريحاته لموقع ET بالعربي.
يشار إلى أن برنامج “قعدة ستات” تقدمه الإعلامية مروة صبري على شاشة “القاهرة اليوم”
يوم السبت من كل أسبوع، وتستضيف من خلاله عدد من الفنانات وتناقش قضايا مختلفة.
