مفاجأه .. مؤلف “سفاح الجيزة” يكشف عن الجزء ثانى من المسلسل.. تفاصيل
كشف محمد صلاح العزب مؤلف مسلسل “سفاح الجيزة ” عن الفروق بين القصة الأصلية للسفاح وبين العمل الدرامي مؤكدا أنه لم يقدم مسلسلا وثائقيا.
وتابع العزب خلال حوار له مع الإعلامية سهير جودة على صفحتها الرسمية بموقع فيسبوك
“أنا اشتغلت على الشخصية الدرامية زي طقوسه في الطبخ وحسيت أنه بيحب
الأكل والستات فكنت عايز ارسمله شخصية درامية ليها طقوسها في الأكل”
وأضاف “اللي اخدته من الشخصية الحقيقية هي أنه شخص خير وبيساعد الناس ونغمة موبايله كانت نغمة
دينية فعلا والناس كانت بتحبه وهو فعلا عمل الجرائم بتاعته ودفن الجثث في الشقة بتاعته”
وعن عدم معرفة الجيران بجرائم السفاح قال “هو كان بيحفر وبيدفن وبيبلط وكان بيقول للجيران أنه بيشطب الشقة وهو بالنسبة للجيران شخص فوق مستوى الشبهات”
كما تابع “هو مش شايف أنه بيعمل حاجة غلط تماما هو شايف أنه بيحقق العدل مش أنه بيعمل جريمة”
كما نوه عن نهاية المسلسل قائلاً “النهاية هتكون نهاية مفتوحة علشان تسمح بوجود جزء تاني واحنا بنتكلم دلوقتي في الجزء التاني واحتمال نشوف جزء تاني قريب”
بينما تابع “الجزء التاني هيكون من بطولة أحمد فهمي خصوصا أن السفاح متعدمش لسة”
يذكر أن مسلسل “سفاح الجيزة” بطولة أحمد فهمي، ركين سعد، باسم سمرة، صلاح عبد الله، داليا شوقي، جيهان الشماشرجي،
هايدي خالد، من إخراج هادي الباجوري وسيناريو وحوار إنجي أبو السعود وعماد مطر.
