هاني عادل: جمهور مهرجان القلعة الأقرب لقلبي وفرقة وسط البلد بتغير شكل المزيكا في مصر (فيديو)

تحدث هاني عادل عن مهرجان القلعة في لقاء له مع قناة “الحياة” وقال “السنة دي مميزة لينا

لأن بقالنا فترة مقدمناش أغاني جديدة ولأول مرة هنغني أغنية “على الوعد” في مهرجان القلعة”

كما تابع معبرا عن سعادته بحضور مهرجان القلعة وقال “جمهور المهرجان دة هم الأقرب لقلوبنا

لأنهم الناس اللي كانوا بيجولنا أول لما بدأنا وهي اجيال بتسلم بعض وبحب التفاوت العمري الكبير بين جمهور القلعة”

 

 

 

 

وعن علاقته بأفراد فرقة وسط البلد قال “معظم أعضاء الفرقة موجودين ماعدا اتنين

لأن واحد مسافر وواحد انفصل عن الفرقة، ودايما لو حد هينفصل عن الفرقة

فأحنا مبنجبش حد يعزف نفس الآلة بتاعته علشان يبقى مكانه دايما موجود لأن الفرقة زي البيت الكبير”

كما كشف هاني عادل عن سبب قلة انتاجاتهم الغنائية وقال “احنا مش بنعمل ألبوم

لمجرد التواجد احنا بنحاول نجدد في أعمالنا واحنا بنغير في المزيكا في مصر”

وعن علاقته بزوجته الفنانة دياموند بو عبود قال “أنا مبعملش حاجة لأننا فنان

أنا بعمل حاجات لأني بني آدم وفي علاقتي بمراتي مش بفكر في الناس، يعني لو في صورة عايز انزلها هنزلها،

وعن الفرق بين تجربة الغناء والتمثيل قال “أنا بلحن كمان واحيانا بكتب افكار الأغاني

بينما بتناقش في الكلمات فأنا مخرج العمل عند الغناء، لكن في التمثيل أنا جزء من العمل فهي دي صعوبة التمثيل بالنسبالي”

كما يشار إلي أن هاني عادل شارك في فيلم Hidden Strike بجانب جاكي شان وعن مشاركته

في الفيلم قال أنه تخوف في البداية وكاد أن يرفض، وعن سبب موافقته قال “فكرت كتير

وفي الأول كنت هرفض لكن حد من أصحابي وهو لايف كوتش قعد معايا وقالي أن الخطوة

دي هتفرق معايا وفكرني أن كان حلم من أحلام حياتي اتمرن كارتية

أو لعبة قتالية فاتكلمنا كتير لغاية لما اتحمست للمشاركة”

يذكر أن هاني عادل يقوم حاليا بتصوير الجزء الثاني من مسلسل “البحث عن علا” مع الفنانة هند صبري.