داليا إبراهيم: أنا معتزلتش الفن ولكن جالي اكتئاب.. وعالجته بالبعد عن دوشة الشهرة

أكدت الفنانة داليا إبراهيم عدم اعتزالها الفن، ولكنها أُصيبت بالاكتئاب

مما دفعها للابتعاد عن الوسط الفني منذ 10 سنوات.

وقالت داليا إبراهيم خلال  تصريحات تليفزيونية: أنا معتزلتش الفن، أنا قعدت في البيت من 10 سنين

وبعدت عن الوسط خالص، مش عارفة إيه اللي حصل ولكن جالي اكتئاب،

وعالجت ده بالبعد عن الوسط الفني ودوشة الشهرة، وقولت ده يمكن حل من الحلول

ولقيتني بتاخد، واشتغلت في حاجات تانية وقولت يمكن أعرف اشتغل

في حاجة تانية غير الفن ومجهوده يكون أقل شوية، لقيتني مش مبسوطة، الفن برضو حاجة جميلة.

كما تابعت: أنا مبعدتش عن الفن تمامًا ولكني كتبت سيناريوهات لما لقيت نفسي

مش عارفة أطلع طاقة حبي للفن في إيه، وكتبت روايات وهو ده اللي شدني.

وعن سبب إصابتها بالاكتئاب، فعلقت داليا إبراهيم قائلة: استعانت بدكاترة

وأدوية علشان اتعالج من الاكتئاب، ومجاليش اكتئاب بسبب الوسط الفني

ولا جالي إحباط، بالعكس أنا كنت في عز شغلي، لأ دي حاجة في كيمياء المخ

ولكن مش كهرباء في المخ، ودي حاجة جاتلي واتعالجت منها.

وأضافت: وقت ما جالي اكتئاب كنت بشتغل في مسلسل وهو متعرضش لغاية دلوقتي،

وحصل مشكلة ولكن قولت عادي، ومش ده سبب الاكتئاب.

وتابعت داليا إبراهيم لتوضح أنها بعد ارتدائها الحجاب لم تعرض عليها أعمال جديدة

قائلة: الشغل قل جدا بعد الحجاب، أنا لسه مجربتش الشغل بالشكل الجديد

لكن أنا ممكن أمثل الفن لا يتعارض مع الحجاب مفيش حاجة

كما تتعارض كل المهن دخل فيها الحجاب حتى الوزيرة محجبة

لكن التناول في شغلنا أني أتناول الشخصية بشكل كويس يتماشى مع الحجاب

لو شخصية محجبة ممكن أجيب ممثلة محجبة تقدمها”.