توك شو وفيديوهات

رضوى الشربيني : لو الراجل طلب لبن العصفور هاتيه.. وهتتفاجئي برد فعله

كتبت: نورهان البلتاجي

تحدثت الإعلامية رضوى الشربينى، خلال حلقتها من برنامجها «هى وبس»، عبر قناة «cbc سفرة»، عن أسباب فشل العلاقات العاطفية

التي يكون أغلبها رد فعل عكسيا لما تقوم به الفتيات ويبذلنه من مجهود لإنجاح العلاقة ولكنهن يتفاجأن بابتعاد أحبابهن عنهن.

 

رضوى الشربيني

 

كما أضافت رضوى الشربيني ساخرة: «لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع في غرامك ويحس إنك مقطعة نفسك علشانه،

ولازم تحسسيه إنك مش هتقدرى تعيشى من غيره وإن النفس اللى انتى بتتنفسيه ده مرتبط بيه وانك هتموتى من بعده وهتقطعى شرايينك وتنتحرى».

بينما استكملت: «خليه يحس قد إيه انتى متمسكة بيه وان ولاءك ليه يقوم يحبك ويقع في غرامك ويتجوزك،

وابقى قابلينى وقولى عليا مبفهمش لو عملتى الكلام ده وقعد معاكى شهرين على بعض».رضوى الشربيني

بينما استنكرت: «ازاى أصلا أشوف وأفكر ازاى الراجل اللى في حياتى يحبنى إن شاء الله ما عنه حبنى،

اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى،

ولازم يعرف إنه هيحب الباكدج على بعضه وساعتها هيتشال فوق الراس، لو مش هتحبنى

كده في بلايين من الرجالة على كوكب الأرض غيرك يحبونى وهعرف أحبهم».

كما اختتمت: «مستحيل أفكر ازاى أرضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى».