‎مرشد التطوير المهني تعلن عن مواصفات قائد الفريق الشاطر

قالت منى منصور مرشد التطوير المهني إن أي حد ممكن يوصل لأسعد لحظات حياته في الشغل

لما يبذل مجهود كبير بالشكل الصحيح، وقائد الفريق فى الشغل دوره إنه يسهل او يبسط الهدف لفريقه

عشان يوصل لأفضل نتيجه، جاء ذلك خلال مداخلة هاتفية لبرنامج خلاص صحينا تقديم مارينا المصري على ميجا اف ام.

مهارة الشغل

وأضافت مرشد التطوير المهني  عادي إن الموظف يبقى مش عنده مهارة الشغل مع فريق، ممكن يعمل خطوة

وباقى الفريق يشتغلوا عليها، وقائد الفريق لازم يبقى فاهم نمط شخصيات فريقه عشان يعرف إزاي يطلع أحسن شغل من كل واحد.

الفريق

واختتمت قائلة قائد الفريق مهم يكون عنده مهارات تواصل عالية مع إدارة الوقت والتنظيم وإدارة اجتماعاته،

ويبقى متعاون وداعم لفريقه، ولازم يكون بيحفظ حق كل شخص في فريقه في نسب أفكاره الإبداعية ليه،

ومراعاة النقطة ديه بتزود من إبداع الفريق وبتشجعهم على الشغل أكتر.