أغرب هدايا عيد الحب بين الشباب والفتيات

يعتبر يوم عيد الحب من الأيام التي يتم فيها تبادل الهدايا ما بين المرتبطين سواء كانوا متزوجين

أو في مرحلة الخطوبة، مع بعض الفتيات وعند سؤالهن كشفن أغرب الهدايا

التي قدمها لهم شريك الحياة الحالي أو المستقبلي، والتي كانت بعيدة تمامًا عن الهدايا الرومانسية التقليدية من ورود أو دمى محشوة لطيفة.

خزين البيت

قالت إحداهن : من سنة كدا خطيبي جاب لنا زيارة كبيرة جدًا كانت فيها كل خزين المطبخ ،

في الأول كنت فاكرة  إنها زيارة للبيت عادي، فضلت منتظرة أنه يطلعلي الهدايا بتاعتي،

لكن اتضح لي أن الهدايا أرز وقلقاس وجزر، بيض و لحمة وملح وبصل

  وكل حاجة ممكن نحتاجها في المطبخ.

مبحبش الورد جاب لي بيض للرجيم

فيما تحدثت آخرى :” خطيبي جاب لنا السنة اللي فاتت بيض، لما سألته

قالي علشان عارف أن عاملة رجيم البيض مفيد جدًا في النظام الغذائي، السنة دي مش عارفة

ممكن يجب ليا أيه، أنا من بعدها بطلت  أعمل رجيم ، يمكن يجيب لي وجبة

من أي مكان أصلا أنا وهو بنحب الأكل وهو على علم أني مش بحب الورد”.

​بوتاجاز

وتقول أسماء عمارة:” جوزي جاب لي أيام الخطوبة بوتاجاز، أكد أنه للجهاز في حين أن أجهزة المطبخ

كانت عليا أنا ، لكن الصراحة

كانت مفاجأة حلوة جدًا، بعد الجواز، مش بيشتري غير أجهزة كهربائية مرة خلاط السنة دي منتظرة الديب فريزر .

شيبسي

وأوضحت واحدة منهن :” كنت مخطوبة  وخطيبي جاب لينا بطاطس شيبسي ومشروبات غازية

من اردأ نوع في السوق، بعدها سبته وفسخت الخطوبة،

لأنه ماكانش أول موقف لكن كل المواقف اللي حصلت أكدت أنه شخص بخيل.