الرئيس للإعلام: اللي فات عيب مين.. وياتري بتغطوا المناطق اللي تم تطورها؟

وجه الرئيس عبدالفتاح السيسي، سؤالًا للإعلام، نصه:” هل الإعلام  يغطي شكل المناطق العشوائية بعد تطويرها.؟

الرئيس للإعلام:  الناس تتكلم بس تكون فاهمة

 وأضاف الرئيس، خلال كلمته بافتتاح مشروعات إسكان بديل المناطق غير الآمنة بالسادس من أكتوبر، اليوم السبت، مواصلًا تساؤله : “يا ترى التغطية الإعلامية كان لها رؤية للواقع، ولا اتكلمت على أن الحكومة مقصرة مع الناس وسيباهم، أتصور أن التغطية الإعلامية كانت بتتكلم أن ده كان تقصير من الحكومة تجاه مواطنيها”.

الرئيس: الإعلام اتكلم إن الحكومة مقصرة وبس

وتابع: “أنا بقول كده، عشان لما بيقولوا إحنا عايزين الناس تتكلم، وأنا عايز الناس تتكلم ويكون في تعبير عن الرأي ولكن تبقى فاهمة القضية اللي إحنا فيها”.

وتابع: “يا ترى اللي فات كان عيب دولة ولا عيب مواطنين ولا عيبنا إحنا الاتنين”، معلقا: “البناء على الأراضي الزراعية قضيتنا كلنا، وهو ما يعكس وضع 30 أو 40% من مساحة مصر”.

وأكمل:” أنا بكرر الحديث ليسجل المواقف على نفسه وعلى الحكومة وعلى المواطنين”.