عفاف شعيب : إيه المشكلة أني ألبس ألماني

كلنا هنموت ومحدش هيخلد

شائعات الوفاة مؤذية والموضوع معدش يتكست عليه وافكارهم شيطانية

المجتمع إتغير وبقى اكثر قسوة لكن فيه ناس فيها الخير كتير ومحترمين

عاوزني أمشي مجربعة.

ماعلقتش على عدم تكريمي في مهرجان القاهرة للدراما

فيه ناس لاتستحق التكريم وتم تكريمها . وقامات لم تكرم فيه ظلم بين وأنا عند ي شهادات مش عارفة أعلقها فين.

انتقدت الفنانة عفاف شعيب شائعات وفاتها على مواقع التواصل الاجتماعي وأنها على مدار ثلاث سنوات يطلقون الشائعات بوفاتها . وهذه الشائعات ليست قاصرة علي فقط فمن قبل ظهرت شائعات على ميرفت امين . والراحل هشانم سليم تخرج عنه الشائعات منذ عام والزعيم عادل إمام “.
تابعت خلال مداخلة هاتفية ” خلال ” برنامج ” كلمة أخيرة ” الذي تقدمه الاعلامية لميس الحديدي على شاشة ON:إشمعنا الجيل بتاعنا القديم تطلع عليه الشائعات وهي أفكار شيطانية وناس فاضية والموت والحياة بإيد ربنا كلنا هننتقل محدش هيخلد فيها بس ليه كده ؟ ”
واصلت : الدنيا إتقلبت بعد الشائعة والناس قعدت تكلمني وتبعتلي وتقلي إنتي بخير ؟ لان الشائعة إتعملت بكل تفاصيلها وأن الجنازة تخرجت .. ربنا يسامحهم ودول ناس قاعدة للساقطة واالقطة “.
ولفتت إلى أنها هاتفت نقيب المهن التمثيلية الدكتور أشرف زكي واخبرته بضرورة التحرك ووكل محامي النقابة بإتخاذ الاجراءات القانونية : الموضوع معدش يتكست عليه ”
وأوضحت أن المجتمع بات في تعامله أكثر قسوة قائلة : ” فيه ناس لسه الخير فيهم وكويسين ومحترمين بس القسوة والشراسة زادت مش بس كده ده فين ناس بتتكلم أني محجبه وبشتغل بقوة وانا هدخل الفردوس الاعلى بالشائعات دي ”
وحول جدل جلب ملابسها من الخارج قالت : معلش ومش عاوزة حد يزعل مافيش مقاس في السناعة المصرية مظبوط في المقاسات أنا بقيت بلف مصر كلها عشان اجيب بلوزة وأو جاكت أو بنطلون وبجيب من محل بيجيب ملابس ألماني و هو الوحيد المظبوط، ولبسي شيك ومحترم، مبلاقيش البدل اللي أنا عايزاها إلا في الملابس الألمانية، هما عاوزني أمشي مجربعة ولا إيه ”
وعن عدم تكرمها في مهرجان الدراما قالت : مش أنا الي زعلت على عدم التكريم بس الناس الي هيزعلت وفيه ناس أتصورت معايا وقالولي أنتي اصل الدراما العربية ولم يتم تكريمك ولكن التكريم من الله ومش أنا بس يعني كفاية أن الفنان الكبير رسوان توفيق لم يدعى ولا عفاف رشاد والمفروض كل ذي حق ياخذ حقه فيه ناس كتيرة كانت تستحق وناس لاتستحق وفيه ظلم بين ولكنأنا شخصياً مش محتاجه التكريم واتكرمت كتير وعندي شهادات مش عارفة احطها فين لكن زعلي على الفنانين الاخرين فين كمال ابو رية وأحمد عبد العزيز “