توك شو وفيديوهات

أخصائية تغذية علاجية وتغذية: مفيش أكل معين بيتخن وغيره بيخسس

قالت دكتورة سارة يسرى أخصائية تغذية علاجية وتغذية رياضيين، إن مفيش أكل معين بيتخن ومفيش أكل بيخسس، فكل أكلة ليها سعرات حرارية معينة لما بنزودها بنتخن ولما بنقللها بنخس.


وأضافت الشوفان على عكس المعتقد الشائع مش بيخسس لأنه من النشويات المعقدة، وبيتعامل معاملة العيش والرز، و لبن جوز الهند مشبع بالدهون وبالتالي مش بيخسس، بالعكس ده بيدخل فى نظام الكيتو دايت.
أما الأفوكادو مع اللبن بالعسل فيه سعرات حرارية عالية جدا، و تقليل الوزن عادي جدا يحصل لما ناكل وجبات صغيرة ونقلل زيت وزبدة ونزود خضار وفاكهة وسلطة.

واختتمت قائلة ناخد بالنا من أي بسكوتات بنشتريها من السوبر ماركت، لأنه وارد تكون من غير سكر بس زيادة دهون وبالتالي مش بتخسس.

جاء ذلك خلال مداخلة هاتفية لبرنامج خلاص صحينا الذي تقدمه مارينا المصري على ميجا FM