بسمة وهبة تنتقد رئيس جامعة المنصورة بسبب فتاة المنصورة: أغرب بيان في الدنيا

انتقدت الإعلامية بسمة وهبة جامعة المنصورة، بسبب مقتل فتاة المنصورة، حيث أصدر رئيس الجامعة بيانا يتبرأ فيه من الجريمة، موضحةً: “انت ازاي بتتملص من مسؤوليتك، ازاي جامعة المنصورة تقول مليش دعوة”.

وأضافت وهبة، خلال تقديم حلقة اليوم من برنامج “90 دقيقة”، على قناة المحور: “الجامعة طلعت أغرب بيان في الدنيا قبل ما تشوف البنت جرى لها ايه، وقبل ما تقول كلمة عزاء لأسرتها، تطلع بيان وتقول إن الحادث حصل بره سور الجامعة؟!”.

وتابعت: “هو الموضوع إن الأخلاق انعدمت؟! لكن من واجبنا نسأل عن دور الجامعة في استعادة الأخلاق، لأن الجامعة والمدرسة مش دراسة بس، ده دورك ودور أساتذة الجامعة ودور رئيس الجامعة”.

وواصلت: “ولما الناس هاجمتك حذفت البيان، لقيتها مش مقبولة، البنت اللي اتدبحت النهاردة فلة وكانت ممكن تكون أختك أو زميلتك أو بنتك رايحة تمتحن يجيلها خبر انها اتدبحت”.