دينا الشربيني تكشف حقيقة خلافها مع الفنان محمد رمضان
كتبت: دينا لاشين
أكدت الفنانة دينا الشربيني، خلال حوارها ببرنامج “حبر سري”، مع الإعلامية أسما إبراهيم، على قناة القاهرة والناس، أنها من محبي محمد رمضان ولا تراه شخصا مغرورا كما يروج البعض، متابعة: “بحب محمد رمضان جدا وهو بيتعامل مع الناس عكس اللي بيتقال والناس فى الشارع بتحبه، وهو بني ادم كويس ومشوفتش منه أي غرور”.
و كشفت حقيقة خلافها مع محمد رمضان بسبب تفاوت مساحة الأدوار في مسلسل المشوار، قائلة: “مفيش بيني وبين رمضان أي خناقات وعمري ما بقيس دور مين اكبر مني والمسلسل عبارة عن رحلة”.
وأشارت إلى أنها ترى طريقة تعامل محمد رمضان الخاصة مع جمهوره وحب الناس له في الشارع، متابعة: “عارفه أنه ممكن بيتقال عليه كده وبيتعامل مع جمهوره بطريقة خاصة، وكل مواقفه معايا جميلة ومشوفتش منه حاجة وحشة”
كما أشارت أنها لا تهتم بتصدر الترند وتؤمن بأن الترند ليس مقياسًا للنجاح، قائلة: “مش بيفرق معايا الترند وهو بيفرق مع ناس تانية ولكن هو مش مقياس النجاح، والترند هوس، وحد قالي من اللي ماسكين ليا السوشيال ميديا أن فى ناس بتدفع فلوس عشان تتشتم وتطلع ترند”.
، وعبرت عن استغرابها بفكرة البحث عن الترند بهذه الطرق الغريبة، مضيفة: “حاجة غريبة انك تدفع فلوس عشان تشتري كذبة وتطلع ترند”، مؤكدة أنها لم تلجأ خلال مشوارها إلى الواسطة.
وأشارت إلى أنها لا تدعم الزواج القائم على فكرة المال فقط دون حب، قائلة: “الست اللي تتجوز من غير حب عشان الفلوس ست مش ذكية، لان الفلوس ساعات بتبوظ وده مش معناه إن الفلوس مش مهمة ولكن الحب أحلى حاجة”.
