انتصار: علاقتي قوية بالفنان محمد رمضان

كتبت: دينا لاشين

حلت الفنانة انتصار ،ضيفة ببرنامج العرافة ، مع الإعلامية بسمة وهبة،عبر شاشة “المحور، حيث أدلت بمجموعة من التصريحات، فقالت، إن علاقتها قوية بالفنان محمد رمضان، وأنها تمثّل شيئًا مهمًا بالنسبة له.

وخلال لقاها روت قصة جمعتها بالفنان محمد رمضان: “كان لسه صغيرين وكان ماشي معاه واحد صحبه شبهه جدا ومعاهم شنطة كأنهم خارجين من المدرسة، ودخلوا مسرح البالون”.

وأضافت: “شفتهم داخلين المسرح وقلتله عاوز إيه يا حبيبي.. قالي إحنا بنلف في المسارح وبندور على شغل وعاوزين نظهر موهبتنا.. ودخلوا بالفعل و(محمد رمضان) وقف على المسرح وقال هيقلد أحمد زكي وفعلا قلده بالظبط”.

وتابعت: «صفقت له على الفور، والمخرج أشاد بهم وطلبوا منهم يغادروا علشان المسرحين لكن همّ صعبوا عليا وكنت عاوزة أساعدهم».