جيلان علاء: اشتغلت في بنك 3 شهور ونفسي اعمل فوازير

قالت الفنانة جيلان علاء بدايتي كانت في المدرسة ، كنت بحب أقلد المدرسين اوي، و كان ليا فقرة علي مسرح المدرسة كل سنة علشان أقلد المدرسين و هما كانوا مبسوطين اوي، و بابا كان رافض إني أمثل و كان رافض الإعلام لكن بعد كده اقتنع، جاء ذلك خلال حوارها لبرنامج ع اللوكيشن مع شريف الليثي علي راديو هيتس .

وأضافت أشتغلت في الإذاعة فترة طويلة، وعملت اسكتشات مع ” بكري خالد ” علي YouTube، ومكنش حد بيدعمني خالص و لا حد من أهلي كان مشجع فكرة التمثيل ولا الإذاعة، فمثلا مامتي “Banker “و بابا “ظابط ” وكان عاوزني أشتغل في بنك، أشتغلت في بنك ٣ شهور بس مكملتش.

وتابعت اشتغلت مع ” اسعاد يونس ” في برنامج ” صاحبة السعادة ” كنت مذيعة معاها في الموسم الأول، و الراديو ممتع جدًا علشان بتحس انك المحفز للناس في طريقهم.

وعن نقاط التحول في حياتها فقالت أول نقطة تحول في حياتي كان مسلسل ” ريح المدام “، و أول فيلم ليا كان ” الكويسين ” ، و أنا بعرف أغني و بلعب بيانو و ودني موسيقية جدًا و بفهم في الآلات.

واختتمت قائلة غنيت مع فرقة ” أيامنا الحلوة ” و كنت بعمل شخصية الفنانة ” ماجدة “، و نفسي أعمل ” فوازير ” و ” مسرحية كوميدية “.