كتبت:شيماء عبدالفتاح
قالت الفنانة ويزو بدايتي كانت في كلية ” تربية ” و ماكانش التمثيل في دماغي خالص، و بدايتي في الوسط الفني كان في ” مركز الأبداع ” مع ” خالد جلال “، و أول مرة أقف قدام كاميرا كان في برنامج ” جد جدًا ” مع ” أشرف عبدالباقي “، جاء ذلك خلال حوارها لبرنامج ع اللوكيشن مع شريف الليثي علي راديو هيتس.
و أضافت أنا بحب الرقص جدًا من زمان، و كنت مدرسه ثانوي بنين و أخترت أسيب التدريس و أمثل، و مفيش حد في عيلتي بيمثل غيري، و أهلي هما اللي بيشجعوني طول الوقت، و كان نفسي اشتغل مع فؤاد المهندس .
أما أول فيلم ليا كان ” جيران السعد ” بعدها فيلم ” جوازة ميري “، و عملت فيلم ” كلب بلدي ” مع الأستاذ ” معتز التوني ” و كان ليا ٨ مشاهد أحلي من بعض، وعن فيلم ” كلب بلدي ” فهو من أحلي و أجمل الأفلام اللي عملتها في حياتي.
وتابعت الناس عرفتني بعد ” مسرح مصر “، و أستاذ “أشرف عبدالباقي ” ليه فضل كبير جدًا علينا، و ” مسرح مصر ” أهم و أكبر نقلة في حياتي واختتمت قائلة اللي معايا من البداية لحد دلوقتي”ربنا عز و جل و أبويا و أمي “، ونجاحي سببه ربنا،
