بسمة وهبة: مارك زوكيربرج شيطان السوشيال ميديا.. والتيك توك خراب بيوت

هاجمت الإعلامية بسمة وهبة، مارك زوكيربرج رئيس شركة فيسبوك، ووصفته بأنه شيطان السوشيال ميديا الجديد، بسبب بث بعض المصريين من مستخدمي موقع التواصل الاجتماعي تفاصيل حياتهم الشخصية بشكل مباشر: “فتح لهم الباب إنه يبيعوا بلدهم وأسرهم وزوجاتهم وحياتهم على السوشيال ميديا وكل ذلك مقابل الأجر”.

وأضافت وهبة خلال تقديم حلقة اليوم من برنامج “90 دقيقة”، على قناة المحور: “خلاهم على استعداد إنهم يكشفوا عورات بيوتهم، الناس دي باعوا نفسهم وحياتهم لمارك، الناس بتعمل لايفات على السرير في أوضة النوم .. إحنا عبيد؟!”.

وتابعت: “مش عاوزة أتكلم ولا أغلط، وكل ده عشان ايه؟! نفسي البرلمان المصري يشرع قانون يبقى في ضوابط على المهزلة دي، فوى البث المباشر، كل واحد صاحي من النوم عاوز يعمل أي حاجة يعملها، اللي يصور مراته واللي بتصور نفسها .. عيب مش عاوزة أتكلم، الناس دي بيفتحوا بطن الخصوصيات والعورات لمجتمعهم وبيضروه وبيضروا نفسهم”.

وأوضحت: “فوقوا شوية يا جماعة وشوفوا انتو بتعملوا ايه، اتكلموا في طبخة أو حاجة جديدة مفيدة واتكلموا في الأخلاقيات، لكن بضوابط واحترام، أما تيك توك فهو خراب بيوت وبلاوي، وكل المحظورات الاجتماعية فيه زي الافتاء في الدين مثلا”.